Մարզական լրագրող և «Բուքմեյքերների ռեյտինգի» փորձագետ Տիմուր Ժուրավելը կանխատեսում է արել «Լիվերպուլ» – «Արսենալ» Անգլիայի Պրեմիեր լիգայի 12-րդ տուրի հանդիպման վերաբերյալ։
Խոսելու ենք «Լիվերպուլ» – «Արսենալ» դիմակայության մասին։ Երևի գիտեք, որ «Զինագործներն» աշնանային հատվածի լավագույն թիմն են։ Եվ իրոք, Միկել Արտետան կայունացրել է խաղը և անհաջող մեկնարկից հետո հսկայական աշխատանք է կատարել։ Սակայն ինձ թվում է, որ «Էնֆիլդում» «Արսենալը» հաջող խաղերի շարքը շարունակելու այդքան էլ մեծ շանս չի ունենա։
«Լիվերպուլը» ավելի հզոր է, թիմի խաղային օղակները ներդաշնակ են գործում։ Բացի այդ, Յուրգեն Կլոպի ֆուտբոլիստները կարգով ավելի բարձր են։ Պետք չէ մոռանալ նաև ամենակարևորը՝ տնային ստադիոնի գործոնը։ Դաշտի տերերին բարդ հանդիպում է սպասում, սակայն գրեթե վստահ եմ, որ «Լիվերպուլը» հաղթելու է։ Այս մրցավեճն ավելի շատ տակտիկական պայքարում է անցնելու, այնպես որ, դժվար թե կողմերը բաց ֆուտբոլ խաղան։