«Спортфакт» կայքի թղթակից, «Спорт-Экспресс»-ի օնլայն-տարբերակի նախկին գլխավոր խմբագիր Արթուր Պետրոսյանը կանխատեսում է արել Եվրոպա լիգայի կիսաեզրափակչի «Լիոն» — «Այաքս» հանդիպման վերաբերյալ: Պատասխան խաղում նա նախապատվությունը տալիս է ֆրանսիական թիմին:
Թվում է, այստեղ ոչ մի կապ չունի Մոսկվայի «Սպարտակը», իսկ ունի այն կապը, որ վերջին թիմը, որը տանը «Այաքսին» հաղթել է խոշոր հաշվով, եղել են հենց կարմիր-սպիտակները 2010/11 մրցաշրջանում: Այժմ նրա համար, որպեսզի դուրս գան եզրափակիչ, «Լիոնին» անհրաժեշտ է կրկնել սպարտակյան նվաճումը՝ այլ տարբերակներ Ամստերդամում 1:4 պարտությունից հետո ֆրանսիացիները չունեն:
Այս մրցաշրջանում Եվրոպա լիգայում «Լիոնի» տնային խաղերի վիճակագրությունը տպավորում է՝ միջինը մեկ խաղում թիմը 4,3 գոլ է խփում: Բնականաբար, առաջին հանդիպման արդյունքը կստիպի նրանց խաղալ սովորական հարձակվողական ոճով: Բոլոր մարտական միավորները շարքում են, այդ թվում վնասվածքից հետո մարզավիճակի պիկին դուրս չեկած, բայց պայքարով լի Ալեքսանդր Լակազետը, ում հաշվին այս մրցաշրջանում արդեն 29 գոլ կա Ֆրանսիայի առաջնությունում, Չեմպիոնների լիգայում և Եվրոպա լիգայում:
«Այաքսը» եվրագավաթներում վեց արտագնա խաղերում ոչ մի հաղթանակ չի տարել, իսկ դրանցից երեքում հոլանդացիները բաց են թողել երկու գոլից ոչ քիչ, այդ թվում Դոնի Ռոստովում հիշարժան 1:4 ջախջախումը:
Իհարկե, «Լիոնը» եզրափակիչ դուրս գալու շանսերը շատ չեն, բայց այն, որ հինգշաբթի երեկոյան Անդրե Օնանի դարպասի մոտ թեժ է լինելու, կարելի է չկասկածել: