Արմենիա TV-ի «Comments» հաղորդման վարող Արմեն Թադևոսյանը կանխատեսում է արել Լեսթերի «Քինգ Փաուեր» մարզադաշտում կայանալիք Չեմպիոնների լիգայի 1/4 եզրափակչի «Լեսթեր» — «Աթլետիկո» Մադրիդ պատասխան հանդիպման վերաբերյալ: Նա կարծում է, որ «աղվեսները» կհաղթեն, բայց դուրս կմնան մրցաշարից:
Առաջին խաղում «Աթլետիկոն» սեփական հարկի տակ նվազագույն հաշվով հաղթանակ տարավ: Պատասխան խաղից առաջ Անգլիայի չեմպիոնը հաջորդ փուլ անցնելու փոքրիկ շանսեր դեռ պահպանում է: Կարծում եմ, որ սեփական երկրպագուների աջակցության ներքո «Լեսթերը» կարող է հաղթել Սիմեոնեի թիմին, բայց անցնել կիսաեզրափակիչ՝ դժվար թե: Երկու թիմերի կատարմամբ էլ գոլեր եմ սպասում: Կանխատեսում եմ 2:1 հաշիվը՝ հօգուտ տանտերերի: