«Լեգանես» — «Ռեալ» Մադրիդ. Ռոբերտ Գասպարյանի կանխատեսումը
Իսպանական Պրիմերայում «Ռեալի» գործերն այնքան էլ հաջող չեն ընթանում: «Բարսայից» հեռավորությունն արդեն այնքան է մեծացել, որ չեմպիոնության մասին խոսելն այս պահին պարզապես ամոթ է: Երեսը փրկելու համար այսօր «Ռեալը» գոնե պետք է դրական արդյունք ցույց տա «Լեգանեսի» հետ քառորդ եզրափակիչ առաջին խաղում:
Այս խաղի համար «Ռեալը» չունի որևէ խնդիր, չհաշված ավագ Սերխիո Ռամոսի վնասվածքը: Բայց էլ ինչը կարող է լուրջ լինել, քան ավագի՝ շարքից դուրս գալը: Առանց այն էլ պաշտպանությունը Լենկ Թեմուրի պես կաղում է, Ռոնալդուն էլ Արտակ Եդիգարյանից քիչ գնդակ է խփել ներքին ասպարեզում: Ի՞նչը կարող է ավելի ահավոր լինել: Ռոնալդուն, Բենզեման, Բեյլն ու Մարսելոն նույնպես չեն մասնակցի հանդիպմանը:
«Լեգանեսի» խնդիրներն ավելի շատ են: Առաջիկա խաղում թիմը չի կարողանա հույս դնել իր հիմնական կենտրոնական պաշտպանների վրա: Մնացած բոլոր առումներով «վարունգները» պատրաստ են իրենց պատմական հանդիպմանը: 1/8 եզրափակիչ արգելքը հաղթահարելուց հետո «Լեգանեսի» գլխավոր մարզիչը փոխեց գրեթե ամբողջ կազմը և «Բետիսի» հետ խաղում էին հիմնականում նրանք, ովքեր հեռու են սովորաբար լինում հիմնական կազմից:
Որոշակիորեն բարդություններ են առաջանում այս շրջանում «Ռեալի» մասնակցությամբ խաղերին ճիշտ կանխատեսում անելիս: Նախ պետք է հասկանալ, թե ինչ կազմով է դուրս գալու խաղադաշտ: Լինենք զգուշավոր. «X2 և Քիչ 3,5»՝ 1,75 գործակից:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: