«Լեգանես» — «Բարսելոնա». Ալեքսանդր Վիշնեվսկու կանխատեսումը

«Բուտարկե» մարզադաշտում Պրիմերայի շրջանակներում դեռևս ոչ մի գնդակ չի խփվել: «Լեգանեսը» հիանալի պաշտպանվեց «Աթլետիկոյի» հետ նախորդ տնային խաղում (0:0): Չնայած հաշիվը այդպես էլ չփոխվեց՝ «Լեգանեսի» մարզիչ Գաիսկա Գարիտանոն, հանդիպման ընթացքում երկու անգամ փոխելով թիմի տակտիկական սխեման, շփոթեցրեց մրցակցին: Նախորդ մրցաշրջանում «Լեգանեսը» Սեգունդայում հաճախ էր խաղում հինգ պաշտպանով, իսկ հետո վերադարձավ չորս անդամից բաղկացած պաշտպանությանը, այնուհետև կրկին վերադասավորեց, ու կրկին նախընտրեց խաղադաշտ քառյակ դուրս բերել: Թիմի պաշտպանական արվեստը մոտ էր կատարելությանը, բայց երբ ամեն դեպքում սխալներ լինում էին, հիանալի էր դրսևորում դարպասապահ Սերանտեսը, ով ստացել է օգոստոսին Պրիմերայի լավագույն ֆուտբոլիստի մրցանակը:

Կարծում եմ՝ «Բարսելոնային» նույնպես հեշտ չի լինի: Մադրիդյան արվարձանի թիմը կրկնակի ավել ժամանակ ուներ խաղին պատրաստվելու համար: Կատալոնացիներն իրենց ողջ զայրույթը թափեցին դժբախտ «Սելթիկի» վրա, որը «Բարսայի» համար դարձավ «քավության նոխազ» «Ալավեսից» կրած պարտությունից հետո: Պետք է ուշադրություն դարձնել Իսպանիայի համար հանդիպման մեկնարկի ոչ սովորական ժամին՝ 13:00 տեղական ժամանակով: Բայց Իսպանիայում տապը մեղմացել է, և կլինի մոտ 25 աստիճան: Համեմատած նախորդ շաբաթվա՝ ջերմաստիճանը զգալիորեն նվազել է: Մի փոքր շոգ լիներ՝ խաղադրույք կկատարեի «Լեգանեսի» (-2) ֆորայով հաղթանակի վրա:

Բայց ամեն դեպքում կվերցնեմ այլ խաղադրույք՝ հաշվի առնելով, որ այս հանդիպումը «Բարսայի» համար ավելի բարդ կլինի, քան նախորդը: Լուիս Էնրիկեն հայտացուցակում չի ընդգրկել Սերխիո Բուսկետսին, իսկ նրա բացակայությունը «կապտանռնագույնների» համար խնդրահարույց է: Վերջին շրջանում նա լավագույն մարզավիճակում չէր, բայց անգամ այդպես Սերխիոն ավելի արդյունավետ է ցանկացած հնարավոր փոխարինողից: Լեգանեսում չի լինի նաև Դինը, որքան էլ զարմանալի չէ, նա նույնպես հայտացուցակում չկա: Դա նշանակում է, որ Ժորդի Ալբան շաբաթվա ընթացքում երկրորդ ամբողջական հանդիպումը կանցկացնի: Կարծում եմ, որ «Բարսան» մրցակցին առավելագույն հարգանքով կմոտենա (նրանք արդեն պատժվել են «Ալավեսին» թերագնահատելու համար): «Բարսան» հավանաբար կհաղթի Լեգանեսում, բայց գոլային հրավառություն չեմ սպասում: Իմ ընտրությունը՝ «Բարսելոնայի» հաղթանակ և ՏՔ 4.5 գոլ: