«Լացիո» – «Ռոմա». Ռոբերտ Գասպարյանի կանխատեսումը
Ի՞նչ է Հռոմի դերբին: Դա պարզապես Իտալիայի առաջնության/գավաթի հանդիպում չէ: Իչպես Իտալիայում սիրում են ասել՝ Derby della Capitale-ին առաջնություն է՝ առաջնության մեջ: Ա սերիայի 18-րդ տուրի կենտրոնական խաղում «Ռոման» խնդիրներ կազմի հետ գրեթե չունի:
Սիմոնե Ինձագին այս խաղում չի կարողանա հույս դնել իր ավագի՝ Սենադ Լուլիչի վրա: Բոսնիացի ֆուտբոլիստը վնասվածք ունի: Նույն պատճառով դերբին միանշանակ բաց կթողնեն Խոակին Կորեան ու դարպասապահ Տոմաս Ստրակոշան:
Պաուլու Ֆոնսեկան մայրաքաղաքային դերբիից առաջ երկմտելու առիթ չունի: Հիմնական կազմի բոլոր խաղացողները կազմ ու պատրաստ են առաջնության ամենակարևոր խաղերից առաջինին: Ամենաբարդը թերևս դարպասապահների ընտրությունն է: Թե՛ Պաու Լոպեսը, թե՛ Անտոնիո Միրանտեն ստաբիլությամբ չեն ձփայլում, սակայն այս մրցաշրջանում պորտուգալացի մասնագետն իր «քվեն» տվել է փորձառու իտալացուն: Նա վնասվածքից ապաքինվել է լիարժեք «Լացիոյի» դեմ խաղին պատրաստ է:
Պաշտպանությունում ևս ամեն ինչ պարզ է: Սմոլինգ-Իբանյես-Մանչինի եռյակը վաղուց է ամրացրել իր տեղը մեկնարկայինում: Ցանկացած պարագայում նրանց կարող են փոխարինել Ֆեդերիկո Ֆասիոն կամ Մարաշ Կումբալան: Ալբանացի պաշտպանն այս տարի հաճելի տպավորություն է թողնում և համարվում է վերջին տարիների լավագույն ձեռքբերումներից մեկը:
Միջին օղակում պետք է սպասել դասական սխեմայի: Հենակետային գոտում կխաղան Բրայան Կրիստանտեն ու Ժորդան Վերետուն: Գոնսալո Վիլյարն ու Ամադու Դիավարան սպասելու են իրենց շանսին, թեպետ բազմիցս տեսել ենք՝ ինչպես է Կրիստանտեն տեղափոխվում կենտրոնական պաշտպանի գոտի, իսկ հենակետայինի դիրքը պահում է Վիլյարը: Բայց Հռոմի դերբին չի սիրում չհարկադրված էքսպերիմենտներ: Ինսայդների հարցում ընտրությունը կատարված է՝ Սպինացոլան կգործի ձախից, Կարսդորպը՝ աջից: Քանի որ Սանտոնը վնասվածք ունի, նրանց փոխարինման միայն մեկ տարբերակ կա՝ Բրունո Պերեսը: Ունիվերսալ եզրայինը հնարավարության դեպքում կարող է դուրս գալ դաշտ նրանցից հիմնական տղաներից մեկի փոխարեն:
Հարձակման կրակագծում, իհարկե, կլինի Էդին Ջեկոն: Բորխա Մայորալի թեկնածությունը կդիտարկվեր այլ դեպքում, բայց ո «Լացիոյի» դեմ խաղում: Թիկունքից նրան կօգնեն Լորենցո Պելեգրինին և փայլուն մարզավիճակ հավաքած Հենրիխ Մխիթարյանը: Պեդրոն վնասվածքից հետո նոր-նոր է ապաքինվել վնասվածքից. Հիմնական կազմում չի լինի: Իր շանսը, գուցե, ստանա նաև Կառլես Պերեսը, բայց միայն փոխարին դուրս գալու պայմանով:
«Ռոման» գերազանց մարզավիճակում է և հաղթանակը գրեթե կասկած չի հարուցում:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: