«Լայպցիգ» – «Բավարիա»։ Ռոբերտ Գասպարյանի կանխատեսումը
Հին աշխարհամասում վաղուց ընդունված է նոր մրցաշրջանը սկսել նախորդի չեմպիոնի ու գավաթակրի միջև դիմակայությամբ։ Գերմանիայի Սուպերգավաթի համար գործող չեմպիոն Մյունխենի «Բավարիան» կմրցի գավաթակիր «Լայպցիգի» հետ։ Մյունխենյան թիմը հաղթել է «Ցլերի» դեմ վերջին երեք հանդիպումներում, տրամաբանական է, որ «Բավարիան» այս անգամ նույնպես ֆավորիտ է։
Կարևոր խաղից առաջ Լայպցիգը ներկայացնող ակումբը երկու ստուգողական հանդիպում է անցկացրել Պրեմիեր լիգայի ակումբների հետ։ Հուլիսի 16-ին թիմը վստահորեն հաղթեց «Սաութհեմփթոնին» 3։1 հաշվով, 5 օր անց էլ ջախջախիչ պարտություն կրեց «Լիվերպուլից»` 0-5: Ինչ վերաբերում է տրանսֆերներին, ապա «Լայպցիգը» մինչև այժմ ավելի շատ է վաճառել, քան գնել։ Թայլեր Ադամսը տեղափոխվեց «Լիդս», Նորդի Մուկիելեն՝ ՊՍԺ, Հվանգը՝ «Վուլվերհեմփթոն», իսկ Բրայան Բրոբին լիարժեք դարձավ «Այաքսի» ֆուտբոլիստ։ Ձեռքբերումներից կարելի է առանձնացնել միայն կենտրոնական կիսապաշտպան Խավիեր Շլագերին, որը նախկինում հանդես է եկել «Վոլֆսբուրգում»։
«Բավարիան» կորցրել է իր պատմության լավագույն ռմբարկու Ռոբերտ Լևանդովսկուն: Օմար Ռիչարդսի և Մարկ Ռոկայի տրանսֆերները նույնպես վաճառվեցին, իսկ Նիկլաս Զյուլեն և Կորենտին Տոլիսոն հեռացան ակումբից որպես ազատ խաղացողներ։ Բայց ձեռքբերումներն էլ ոչ պակաս արժեքավոր են՝ Մատեյս դե Լիխտ, Սադիո Մանե, Ռայան Գրևենբերգ և Նուսեր Մազրաուի: Գերմանիայի Սուպերգավաթի խաղից առաջ «Բավարիան» ընկերական 2 հանդիպում է անցկացրել՝ 6-2 հաշվով հաղթանակ MLS-ը ներկայացնող «Դի Սի Յունայթեդի» նկատմամբ և 0-1 հաշվով պարտություն «Մանչեսթեր Սիթիից». ի դեպ, հաղթական գոլն այդ խաղում խփել է մյունխենյան թիմին քաջածանոթ Էրլինգ Հոլանդը։
Այս դիմակայությունում նկատելի է 2 միտում։ Նախ, «Բավարիան» ունի 3-խաղյա հաղթանակների և 9-խաղյա անպարտելի շարք «Կարմիր Ցլերի» դեմ: Բացի դրանից, վերջին շրջանում հակառակորդները մեզ պարբերաբար գոհացնում են բարձր արդյունավետությամբ: Հուսով եմ՝ առաջիկա հանդիպումը կանցնի նույն բարձր մակարդակով ու արդյունավետությամբ։ Հավատում եմ, որ չնայած դաշտի գործոնին, «Բավարիան» կրկին կհաղթի «Լայպցիգին», որը շատ հարմար մրցակից է մյունխենցիների համար։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: