«Լացիո» – «Ինտեր»։ Ռոբերտ Գասպարյանի կանխատեսումը
Գրաֆիկի խտության պատճառով Իտալիայի առաջնության խաղացանկը մի փոքր անսովոր տեսք է ստացել։ Սովորաբար մեկ հանդիպումով ուրբաթ օրը սահմանափակող «Մակարոնակերները» որոշել են երկրպագուներին ուրախացնել 2 խաղով, այն էլ ինչպիսի. երրորդ տուրի կենտրոնական հանդիպումներից հենց առաջինը կկայանա ուրբաթ։ Հռոմի Օլիմպիական մարզադաշտում «Լացիոն» կընդունի «Ինտերին»։
Մաուրիցիո Սարիի թիմի համար մրցաշրջանի մեկնարկային հատվածի օրացույցն իսկապես բարդ է. առաջին տուրում ուժեղ «Բոլոնիայի» նկատմամբ տնային հաղթանակից հետո «Լացիոն» հյուրընկալվելիս հանդիպեց ոչ պակաս ամուր «Տորինոյին»։ «Բյանկոչելեստիին» չհաջողվեց ճանապարհ գտնել դեպի թուրինյան ակումբի դարպասը տանող ճանապարհը՝ 0։0։ «Ինտերի» հետ հանդիպումից հետո «Լացիոն» սպասելու է «Սամպդորիան», որի դեմ խաղում «Յուվենտուսն» արդեն միավորներ է կորցրել։
Ի տարբերություն «Լացիոյի», Սիմոնե Ինձագիի թիմը ստիպված չէ դժգոհել խաղացանկից։ Առաջին տուրում «Ինտերը» 2։1 հաշվով կամային հաղթանակ տարավ համեստագույն «Լեչեի» նկատմամբ, իսկ երկրորդում իր դաշտում վստահորեն 3:0 հաշվով գերազանցեց «Սպեցիային»։ Ավելին. «Լացիոյից» հետո «Ինտերը» տնային հանդիպում ունի նաև «Կրեմոնեզեի» հետ, որի հետ մրցավեճում «Ներաձուրիները» նույնպես, հավանաբար, երեք միավոր կվաստակեն։ Առաջիկա խաղին Հայաստանի հավաքականի նախկին ավագ Հենրիխ Մխիթարյանը չի մասնակցի վնասվածքի պատճառով, բայց միլանյան դերբիին նա, միանշանակ, պատրաստ կլինի։
Վերջին հինգ հանդիպումներին մրցակիցները մշտապես գոլեր են խփել միմյանց դեմ: Հավանական է, որ առաջիկա խաղում «Ինտերն» ու «Լացիոն» կկարողանան կրկնել այդ հաջողությունը՝ հաշվի առնելով հարձակման գծում խաղացողների շարքը, մի կողմից՝ Լուկակուն, Մարտինեսն ու Ջեկոն, իսկ մյուսից՝ Չիրո Իմոբիլեն ու Պեդրոն, որոնց թիկունքից աջակցում են Ալբերտոն և Միլինկովիչ-Սավիչը։ Միևնույն ժամանակ պետք չէ գերարդյունավետ ֆուտբոլ սպասել։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: