«Ինտեր» – «Վիլյառեալ»։ Ռոբերտ Գասպարյանի կանխատեսումը
Անգլիայի, Ֆրանսիայի ու Գերմանիայի առաջնությունները սկսվել են, հերթի մեջ են Իսպանիան ու Իտալիան։ Այս երկու երկրների ներկայացուցիչներն անցկացնում են իրենց վերջին ընկերական հանդիպումները։ «Ինտերն» ու «Վիլյառեալն» ունեն լուրջ հավակնություններ նոր մրցաշրջանից առաջ. իրենց վերջին ոչ պաշտոնական հանդիպումը նրանք կանցկացնեն միմյանց դեմ ՝ Իտալիայում, բայց չեզոք դաշտում։
«Ինտերը» չկարողացավ նվաճել չեմպիոնի տիտղոսը նախորդ մրցաշրջանում՝ զիջելով «Միլանին» երկու միավորով: Բայց ակումբն առանց գավաթի չմնաց՝ Իտալիայի գավաթի խաղարկությունում 120 րոպե տևած անզիջում պայքարում հաղթելով «Յուվենտուսին» (4:2): Այդ հաղթանակի գլխավոր կերտողներից մեկը՝ Իվան Պերիշիչը, այլևս «Ինտերում» չէ։ Նրա կարիքը նոր մրցաշրջանում միանշանակ շատ է զգացվելու։ Այս ամռանը կայացած ընկերական խաղերում «Ինտերը» դեռ արտահայտիչ տեսք չունի։ 4 հանդիպումներում Սիմոնե Ինձագիի թիմը գերազանցեց միայն «Լուգանոյին», իսկ «Լիոնի» ու «Մոնակոյի» հետ ոչ-ոքի է խաղացել։
Անցած մրցաշրջանում «Վիլյառեալը» զբաղեցրել է 7 տեղը Լա Լիգայում: Սակայն «Դեղին սուզանավն» իր շեշտը դրեց Չեմպիոնների լիգայի վրա, որում սենսացիոն կերպով հասավ կիսաեզրափակիչ ու պարտվեց «Լիվերպուլին»։ Ամառային դադարի ժամանակ կազմն առանձնապես չի փոխվել։ Ակումբի ղեկավարությունն ակնկալում է, որ լեգենդար հարձակվող Էդինսոն Կավանին կընդունի «Վիլյառեալին» միանալու առաջարկը։ Այ դա կլինի լուրջ ուժեղացում։ Թերևս կազմը չկորցնելը թույլ տվեց առանց պարտության անցկացնել 7 ընկերական հանդիպումների շարք։ Օրինակ, իր վերջին խաղում «Վիլյառեալը» 3։1 հաշվով հաղթեց «Լևանտեին»:
«Ինտերը» կազմի խորությամբ գերազանցում է մրցակցին, բայց ընկերական խաղերում թիմը շատ է գոլ բաց թողնում ու հազվադեպ է հաջողության հասնում։ Հետևաբար, կարծում եմ, որ «Ինտերը» կհաղթի, բայց սեփական դարպասն անառիկ պահել չի կարողանա։ Ամեն դեպքում, ապահովության համար կարող ենք ընտրել «Ինտերի» հաղթանակը, որի համար գործակիցը ևս հարմար է։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: