«Հոֆենհայմ» – «Քյոլն»․ Դմիտրի Սիմոնովի կանխատեսումը

«Հոֆենհայմը» վերջին 8 հանդիպումներից 7-ում հաղթել է «Քյոլնին» (գումարած ոչ ոքին)։ Բոլոր 8 խաղերում էլ գոլերի տոտալը եղել է 2.5-ից շատ։ «Քյոլնը» նախորդ անգամ մրցակցի նկատմամբ առավելության է հասել 2016-ին Գերմանիայի գավաթի խաղարկությունում։

Այժմ «Հոֆենհայմի» համար մի փոքր բարդ կլինի շարունակել հաղթական շարքը, որովհետև «Քյոլնը» մրցաշարային աղյուսակում լավագույն 6 թիմերի շարքում է և նախորդ 7 տուրերում ընդամենը 1 անգամ է պարտվել, այն էլ Մյունխենում՝ «Բավարիային»։

Իհարկե, բոլոր միավորներն «Այծերը» վաստակել են տանը կայացած խաղերում և արտագնա հանդիպումներում առայժմ միավոր չունեն։

«Հոֆենհայմն» առայժմ այնքան էլ համոզիչ տեսք չունի տանը։ Բոլոր 3 տնային հանդիպումներում թիմը բավականին արագ է գոլ բաց թողել առաջին խաղակեսում՝ մեկնարկային 25 րոպեների ընթացքում։ Ամեն դեպքում կարծում եմ, որ դժվար թե «Քյոլնին» հաջողվի հյուրընկալվելիս 3 միավոր տանել։