«Մյաութչ» ԹիՎիի մարզական մեկնաբան, Երրորդ Մասի հանրապետության ֆուտբոլային ամենահեղինակավոր մասնագետ, «Բուքմեյքերների Ռեյտինգի» փափկամազ փորձագետ Ղումարբազ Կատուն կանխատեսում է արել Մունդիալ 2018-ի որակավորման փուլի երկրորդ տուրի շրջանակներում կայանալիք Հայաստան — Ռումինիա խաղի վերաբերյալ: Նա կարծում է, որ մեր թիմը չի պարտվի:
«Բարև «Բուքմեյքերների Ռեյտինգի» բոլոր ընթերցողներին:
Եդիգարյանը չկա, Կորյանը չկա, Սարկիսովը չկա, էլ Յուրայի մասին չեմ ասում: Հենոն էլ վնասվածք ունի: Բոլորս էլ հասկանում ենք, որ մեր հավաքականը դժվար ժամանակներ է ապրում: Բայց մի հաղթանակն ամեն ինչ կարող է փոխել: Բարդ է լինելու: Ռումինացիները շատ անհարմար մրցակից են: Բայց քանի որ իմ առաջին կանխատեսումն է, եկեք խաղադրույք կատարենք, որ մերոնք չեն պարտվի:
Ձեզ հետ էր Ղումարբազ Կատուն, մյաու՜»: