Հայաստան – Իռլանդիա: Էդուարդ Քալանթարյանի կանխատեսումը
Ողջույն.
Հայաստանի ազգային հավաքականը սկսում է պայքարն Ազգերի լիգայի երրորդ խաղարկությունում, որտեղ կրկին Եվրոյի եզրափակիչ փուլի ուղեգրեր են խաղարկվելու: Ճիշտ է, այս անգամ մեր խնդիրն ավելի բարդ է, քանի որ հանդես ենք գալու B լիգայում, որտեղ մեր մրցակիցները վարկանիշով մեզ գերազանցող հավաքականներ են: Ամեն դեպքում, Խոակին Կապառոսը բազմաթիվ խնդիրներ ունի լուծելու, և ուժեղ հավաքականների հետ վեց խաղը չի կարող այդ գործընթացին խանգարել:
Իսպանացի մասնագետի խնդիրներն առաջին հերթին խաղային են. Հայաստանի հավաքականի պաշտպանությունում անհասկանալի վիճակ է: Վարազդատ Հարոյանը վերջին անգամ խաղացել է Նորվեգիայի հետ, երկու ամիս առաջ. հենց այդ խաղում մեր ավագը կոտրեց ձեռքը: Անդրե Կալիզիրը չկա վնասվածքի պատճառով, իսկ Հայկ Իշխանյանը վնասվածք ստացավ մարզման ժամանակ: Սա հուսադրող չէ մեկնարկային խաղից առաջ, բայց ելք գտնել, միևնույնն է, հարկավոր է: Առջևի գծում ընտրությունն ավելի մեծ է, նույնիսկ այնքան, որ չեն հրավիրվել Ժիրայր Շաղոյանն ու Արթուր Միրանյանը: Անգամ, երբ պարզվեց, որ վնասվածքի պատճառով չի գալու նաև Լուկաս Սելարայանը:
Մեր մրցակիցը Եվրոպայում ամենաահեղներից չէ: Բայց ամենաանհարմարներից է Հայաստանի հավաքականի համար: Գաղտնիք չէ, որ մեր թիմերը բարդ են խաղում բրիտանական ոճի ներկայացուցիչների հետ: Նրանց դավանած ուժային ֆուտբոլը բազմաթիվ խնդիրներ է առաջացնում: Իռլանդիայի այսօրվա հավաքականը համալրված չէ աստղերով: Բայց թիմային տեսանկյունից իռլանդացիները տպավորում են: Սթեֆեն Քենին փորձառու ու երիտասարդ ֆուտբոլիստների շատ հետաքրքիր համադրություն է ստացել և, եթե աշխարհի առաջնություն Իռլանդիան դուրս չեկավ, ապա Եվրոյի վերաբերյալ հաստատ այլ ծրագրեր ունի: Իրենց վերջին տասը խաղում իռլանդացիները միայն մեկ պարտություն են կրել՝ 1-2 հաշվով Պորտուգալիայից: Մենք հակառակը՝ վերջին տասը խաղում միայն մեկ հաղթանակ ենք տոնել, այն էլ ընկերական խաղում:
Այս իրավիճակում շատ հավանական է, որ Հայաստանի հավաքական Իռլանդիայից բաց կթողնի. նույնիսկ մեկից ավելի: Հուսանք, որ մրցակցի դարպասում առնվազն մեկ գնդակ ավելի կհայտնվի:
«Գոլերի Լիգա» ու շահումային «գոլեր խփելու» հնարավորություն: Նոր ակցիա Vbet.am-ից
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: