Հայաստան — Ղազախստան. Մենուա Մեհրաբյանի կանխատեսումը
Ակնհայտ է, որ հավաքական հրավիրված ֆուտբոլիստների մի մասը ներկա պահին ֆունկցիոնալ այնպիսի վիճակում է, որ նույնիսկ բավարար չի կարելի համարել: Միևնույն ժամանակ, կան ֆուտբոլիստներ, ովքեր արդեն սկսել են կանոնավոր կերպով հանդես գալ իրենց ակումբների կազմերում, դառնալ նաև գոլերի հեղինակներ: Այսինքն, ֆունկցիոնալ առումով, ամեն ինչ նորմալ է: Բացի դա, Արթուր Պետրոսյանի գալով՝ մի տեսակ հավատ է առաջանում ազգային ընտրանու նկատմամբ: Բազմիցս եմ նշել, որ գլխավոր մարզչի հիմնական պարտականություններից մեկն էլ այն է, որպեսզի կարողանա թիմին տրամադրել պայքարի և հաղթանակի: Արթուրի մոտ այդ հատկանիշը կա (դեռևս պրոֆեսիոնալ կարիերայի ժամանակ կար), և դա հուսադրող է:
Որքան էլ հարգենք Ղազախստանի հավաքականին, միևնույն ժամանակ չենք կարող չփաստել, որ ղազախներն անցողիկ են: Երևան ժամանելուց առաջ Ղազախստանի ընտրանին ընկերական դժվարին հանդիպում է անցկացրել Կիպրոսի հավաքականի հետ, որը, միգուցե, իր ազդեցությունը թողնի մեր մրցակցի վրա (վերականգնվելու տեսանկյունից): Համենայն դեպս, կասկածից վեր է, որ Հայաստանի ընտրանին անելու է հնարավորը՝ հաղթանակ տանելու, երկրպագուներին ուրախացնելու, միավորներ վաստակելու համար: Այս խաղը՝ մեծ հաշվով, նաև որոշիչ կարող է լինել. կամ պահպանել պայքարը շարունակելու հնարավորությունը, կամ սկսել նախապատրաստվել ընտրական հաջորդ մրցաշարին: Իմ կանխատեսումը հետևյալն է՝ Հայաստանի հավաքականը կխփի երկու գնդակ:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: