«Գրանադա» — «Վալենսիա». Ալեքսանդր Վիշնեւսկու կանխատեսումը

Այն բանից հետո, երբ «Լեւանտեն» հաղթեց ուրբաթ օրը, «Գրանադան» իջավ վերջին հորիզոնական: Ինչ-որ տեղ սա անարդարացի էր Խոսե Ռամոն Սանդովալի նկատմամբ: Վերջին ժամանակահատվածում «Գրանադան» բնավորություն եւ որակյալ ֆուտբոլ է ցույց տալիս: Այսպես, վերջին 3 տնային խաղերում թիմը երկու հաղթանակ է տարել եւ 1:2 հաշվով պարտվել Մադրիդի «Ռեալին», թեեւ կարող էին նույնիսկ հաղթել, երբ հաշիվը 1:1 էր: «Գրանադան» բավականաչափ գոլային պահեր ունեցավ:

Մի շաբաթ առաջ քիչ էր մնում «Վալենսիան» հեռացներ գլխավոր մարզիչ Գարի Նեւիլին, սակայն բրիտանացուն փրկեց «Էսպանյոլի» նկատմամբ տարած կամային հաղթանակը, որը կայացավ Դենիս Չերիշեւի գոլի շնորհիվ: Այնուհետեւ, ոգեվորության ֆոնին «Վալենսիան» 6:0 հաշվով խայտառակեց ավստրիական «Ռապիդին»: Այմ Չերիշեւը եւ մի շարք այլ խաղացողներ, ովքեր չեն մասնակցում Եվրոպա լիգայի հանդիպումներին, թարմ տեսք կունենան Գրանադայում կայանալիք հանդիպմանը:

Երկու թիմերի հաղթանակի շանսերը գրեթե հավասար են, բայց ավելի շատ այդ հաղթանակը պետք է «Գրանադային», եւ հավանաբար նրանք բավական ակտիվ կսկսեն հանդիպումը, այնպես որ, խաղադրույք կկատարեմ, որ թիմերը կփոխանակվեն գոլերով: «Գրանադան» ե՜ւ շատ է խփում, ե՜ւ շատ բաց թողնում: «Վալենսիան» նույնպես խնդիրներ ունի պաշտպանությունում, սակայն թիմի կազմում կան բարձրակարգ հարձակվողական ոճի կիսապաշտպաններ եւ հարձակվողներ: Այնպես որ, տրամաբանական է ակնկալել արդյունավետ հանդիպմանը: