«Ֆուլհեմ» – «Չելսի»։ Ռոբերտ Գասպարյանի կանխատեսումը
Այս հանդիպումը պետք է կայանար 2022 թվականի սեպտեմբերի 10-ին, սակայն Եղիսաբեթ II թագուհու մահը կաթվածահար էր արել ամբողջ Անգլիան։ Դրա հետևանքով հետաձգվեց ոչ միայն այս խաղը, այլ ամբողջ տուրը։
«Չելսին» պարզապես խայտառակ արդյունքներ է գրանցում վերջին շրջանում։ Փոթերի գլխավորությամբ «Չելսին» բոլոր մրցաշարերում անցկացրած վերջին 9 հանդիպումներում 6 պարտություն է կրել։ Ակումբի նոր ղեկավարության աշխատանքն էլ առայժմ դրական արդյունքներ չի տալիս։ Լոնդոնյան ակումբը հերթական անհասկանալի տրանսֆերն է կատարել։ Ավելի կոնկրետ՝ վարձակալել է Մադրիդի «Աթլետիկոյի» հարձակվող Ժոաու Ֆելիքսին։ Զարմանալի է այն, որ «Չելսին» ֆուտբոլիստի լրիվ տրանսֆերը գնելու իրավունք չունի։ Վարձակալության ժամկետը նախատեսված է մինչև ընթացիկ մրցաշրջանի ավարտը։
Թիմը 2 անընդմեջ պարտություն է կրել «Մանչեսթեր Սիթիից»՝ 0։1 և 0։4 հաշիվներով։ Դժվար է ասել, թե որքան կդիմանա Փոթերն այս պաշտոնում, եթե չշտկի իրավիճակը։ Իսկ դա անելը, կարծում եմ, որ այդքան էլ հեշտ չի լինի՝ հատկապես հարևան համարվող «Ֆուլհեմի» հետ խաղում։
Եվ մեկ թիմ, որը ներկայացնում է Լոնդոնը։ Պորտուգալացի երիտասարդ մասնագետ Մարկու Սիլվայի թիմը տպավորիչ խաղ է ցուցադրում, ինչի շնորհիվ էլ ԱՊԼ-ի մրցաշարային աղյուսակում 7-րդ տեղում է։ Համեմատության համար, «Լիվերպուլը» մեկ խաղ քիչ է անցկացրել, սակայն հավաքել է նույնքան միավոր, որքան «Ֆուլհեմը»՝ 28։
Թիմը 4 անընդմեջ հաղթանակ է տարել։ Սիլվայի գլխավորած թիմը շատ գոլեր է խփում և շատ էլ բաց թողնում։ Ենթադրում եմ, որ «Չելսին» 2 անընդմեջ պարտություններից հետո կփորձի վերականգնել հեղինակությունը կարգով ավելի ցածր թիմի հետ վստահ խաղ ցուցադրելով, իսկ համեստ «Ֆուլհեմն» ավելի հանդուգն կգտնվի՝ փորձելով հաղթել վիրավոր գազանին։ «Ֆուլհեմի» հարձակվող Ալեքսանդր Միտրովիչը փայլուն մարզավիճակում է և ընթացիկ մրցաշրջանում արդեն 11 գոլ է խփել։
Իմ կանխատեսումն է 2 թիմերը գոլ կխփեն՝ 1․70 գործակցով։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: