«Ֆեներբահչե» — «Մանչեսթեր Յունայթեդ». Ռոբերտ Գասպարյանի կանխատեսումը
Եվրոպական ակումբային ֆուտբոլի տոնը շարունակվում է: Այսօր կկայանան Եվրոպայի լիգայի խմբային փուլի 4-րդ տուրի հանդիպումները: Բնականաբար, բոլորի ուշադրության կենտրոնում լինելու է «Մանչեսթեր Յունայթեդը»: Ժոզե Մոուրինյոյի գլխավորրած թիմը մեկնել է Ստամբուլ, կմրցի տեղի լեգենդար ու տիտղոսակիր ակումբներից մեկի` «Ֆեներբահչեի» հետ:
Անգլիական ակումբը թուրքական ֆուտբոլի կենտրոն է մեկնել ակնհայտ ֆավորիտի կարգավիճակում: Մեզ համար ամենակարևորն այն է, որ վերջապես թիմի հայտացուցակ է վերադարձել Հայաստանի հավաքականի կիսապաշտպան Հենրիխ Մխիթարյանը: Ժոզե Մոուրինյոն նրան միանշանակ կընդգրկի առնվազն պահեստայինների թվում, բայց բրիտանական մամուլը Հենրիխին սպասում է հիմնական կազմում: Թիմի հետ Թուրքիա չի մեկնել Մեմֆիս Դեպայը: Ֆիլ Ջոնսը վնասվածք ունի:
Թուրքիայի ամենատիտղոսակիր ակումբներից մեկը դիմակայության առաջին ռաունդում զիջել էր խոշոր 1:4 հաշվով: Սակայն տանը, ինչպես գիտենք, Ֆեներբահչեն միշտ էլ հաջող է հանդես գալիս: Օգնում են, ինչպես ասում են, սեփական պատերը: Գլխավոր մարզչի ամենամեծ սպասելիքները կապված են հարձակման գծի առաջատար Ռոբին Վան Պերսիի հետ: Հոլանդացի ռմբարկուն աչքի է ընկել առաջին խաղում: Նույնը կփորձի անել նաև իր ակումբի սեփական մարզադաշտում:
Ավելին, քան կանխատեսել «Ման Յունայթեդի» հաղթանակն այս խաղում, պետք չէ: Բոլոր առումներով այսօր պետք է Մոուրի թիմը վաստակի 3 միավոր: Մաղթենք, որ Մխիթարյանն էլ օգտակար գործողությամբ աչքի ընկնի:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: