«Ֆեյենորդ» — «Մանչեսթեր Յունայթեդ». Ռոբերտ Գասպարյանի կանխատեսումը
Եվրոպական ակումբային ամենահեղինակավոր մրցաշարի հանդիպումներին ավանդույթների համաձայն հաջորդում է Եվրոպա Լիգային նվիրված օրը: Հին մայրցամաքի բազմաթիվ ակումբներ, որոնք հիմնականում ունեն հավասար հնարավորություններ, սկսում են պայքարը այս մրցաշարի գավաթի համար: Բնականաբար, բոլորի ուշադրության կենտրոնում լինելու է aնգլիական «Մանչեսթեր Յունայթեդը»: Մանկունյանցիների մրցակիցը կլինի Ռոտերդամի «Ֆեյենորդը»
Ժոզե Մոուրինյոյի գործերը հիասքանչ էին ընթանում մինչև մանկունյական դերբին: «Կարմիր սատանաների» համար սկզբունքային այդ խաղում հաղթանակն ուղեկցեց Գվարդիոլային ու «Մանչեսթեր Սիթիին»: Այդ խաղից հետո հայտնի դարձավ, որ թիմում կորուստներ կան: Ցավոք, վնասվածք է ստացել Հենրիխ Մխիթարյանը: Մեր ֆուտբոլիստն առաջիկա 10 օրը կանցկացնի լազարեթում: Ջոնսը նույնպես խաղադաշտ դուրս չի գա: Հանգստանալու հնարավորություն կստանան Պոգբան, Իբրահիմովիչն ու Ռունին:
«Ֆեյենորդի» խաղին այսօր շատ շատերը ծանոթ չեն, բայց համոզված եմ, գլխավոր մարզչին հիշում են գրեթե բոլորը: Ռոտերդամցիներին մարզում է լեգենդար Ջովանի Վան Բրոնխորստը կամ պարզապես Ջիոն: Ներքին առաջնության մեկնարկում աշխարհի 2010 թվականի առաջնության լավագույն գոլերից մեկի հեղինակն այս խաղում չի կարողանա հույս դնել Էլյերո Էլիայի վրա: Հարձակվողը ներքին առաջնության մեկնարկային խաղում դարձավ հեթ-տրիկի հեղինակ, սակայն վնասվածքի պատճառով արդեն 1 ամիս է, ինչ բացակայում է: Դարպասապահ Կենետ Վերմերն ու պաշտպան Սվեն Վան Բեեկը նույնպես խաղին հետևելու են հանդիսատեսի կարգավիճակում:
Չնայած առանցքային ֆուտբոլիստների կորստին ու հանգստի հնարավորություն տալուն, համարում եմ, որ ֆավորիտը մանկունյանցիներն են: Ասեմ ավելին` համարձակվում եմ կանխատեսել նրանց հաղթանակը: «Մանչեսթեր Յունայթեդ» — Հ2 – 1.84
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: