Եվրոպա լիգա. «Ալաշկերտ» – «Կայրաթ». Էռնեստ Շաբոյանի կանխատեսումը
«Ալաշկերտը» նոր մրցաշրջանից առաջ բավականին հետաքրքիր համալրումներ էր կատարել, սակայն առայժ չի տպավորում իր խաղով։
Չեմպիոնների լիգայի որակավորման առաջին փուլում Հայաստանի չեմպիոնի մրցակիցը Ուելսը ներկայացնող համեստ «Կոնաս Կի Նոմադսն» էր, որը գրեթե սիրողական մակարդակի ֆուտբոլ էր խաղում։ Մեր չեմպիոնը երկու խաղերում էլ համոզիչ տեսք չուներ։ Ալեքսանդր Գրիգորյանի թիմը 2։2 խաղաց մրցակցի դաշտում, իսկ տանը հաղթեց 1։0 հաշվով։
Որակավորման երկրորդ փուլում «Ալաշկերտը» չկարողացավ արժանի դիմադրություն ցույց տալ Մոլդովայի չեմպիոն «Շերիֆին»։ Մրցակիցը Երևանում առավելության հասավ նվազագույն հաշվով, իսկ սեփական դաշտում հաղթեց 3։1։
«Ալաշկերտի» գլխավոր մարզչի հեռանալն ու շուտափույտ վերադարձը չէր կարող բացասական ազդեցություն չունենալ։ Եթե այդ ամենին գումարենք նաև VBET Հայաստանի Պրեմիեր լիգայի առաջին տուրում «Արարատ-Արմենիայից» կրած խոշոր հաշվով պարտությունը (0։3), ապա ստացվում է, որ թիմը հոգեբանական առումով լուրջ խնդիրներ ունի։
Ղազախստանի չեմպիոնը, որտեղ հանդես է գալիս Հայաստանի հավաքականի պաշտպան Կամո Հովհաննիսյանը, լավ կազմ ունի։ «Կայրաթը» Չեմպիոնների լիգայի որակավորման առաջին փուլում երկու խաղերի արդյունքում առավելության հասավ բավականին ուժեղ թիմի՝ Հայֆայի «Մաքաբիի» նկատմամբ։
Երկրորդ փուլում «դեղինների» մրցակիցը սերբական «Ցրվենա Զվեզդան» էր։ «Կայրաթը» տանը հաղթեց 2։1 հաշվով, սակայն արտագնա խաղում չկարողացավ դիմակայել մրցակցի գրոհներին և հինգ անպատասխան գոլ բաց թողեց:
«Կայրաթն», անկասկած, խաղամակարդակով ավելի բարձր է և փորձառու։ Հաշվի առնելով նաև այն, որ առաջին հանդիպումը կայանալու է Ալմաթիում, առաջարկում եմ խաղադրույք կատարել, որ ղազախական թիմի գոլերի տոտալը կլինի 2.5-ից շատ, որի համար Vbet-ն առաջարկում է 2.80 գործակիցը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: