Եվրո-2016-ի կիսաեզրափակչի էքսպրեսս. խաղում ենք 6,22 գործակցով
Պորտուգալիա — Ուելս
Եթե Պորտուգալիայի կիսաեզրափակչում հայտնվելը անսպասելի չէր, ապա Ուելսի դեպքում նույնը ասել չենք կարող: Եվրոպայի առաջնությանն առաջին անգամ մասնակցող հավաքականը կարողացավ հասնել մինչև կիսաեզրափակիչ և դեռ շարունակում է պայքարը:
Խաղով Ուելսը ավելի լավ տպավորություն թողեց, քան Պորտուգալիան: Սանտուշի սաները հիմնական ժամանակում դեռ ոչ մի հաղթանակ չեն տարել, բայց, ինչպես ասում են, կարևորն արդյունքն է: Պորտուգալացիները փլեյ-օֆֆում տակտիկապես հրաշալի են գործում: Եթե խմբային փուլում նրանք շատ անկազմակերպ էին գործում, ապա մրցաշարի որոշիչ հատվածում պատկերը հակառակն է: Համախմբված խաղի ու ճիշտ մարտավարության շնորհիվ պորտուգալացիները պայքարից դուրս թողեցին նախ Խորվաթիային, ապա նաև Լեհաստանին:
Ուելսի ընտրանին Եվրո-2016-ի գլխավոր բացահայտումն էր: Նախ թիմը բարդ խմբից դուրս եկավ առաջին հորիզոնականով, ապա 1/8 և1/4 եզրափակիչներում պայքարից դուրս թողեց համապատասխանաբար Հյուսիսային Իռլանդիայի և Բելգիայի ընտրանիներին: Վերջինին մասնագետները համարում էին Եվրո-2016-ի գլխավոր ֆավորիտներից մեկը:
Հրաշալի թիմային խաղ, կազմակերպված պաշտպանություն ու արագ հարձակման գիծ. ահա Ուելսի հաղթանակի բանալին Եվրո-2016-ում: Չմոռանանք նաև Գարեթ Բեյլին, ով իր հետևից առաջ է տանում թիմին:
Բուքմեյքերները մի փոքր նախապատվությունը տալիս են Պորտուգալիայի հավաքականին: Դժվար է այս զույգում ֆավորիտ առանձնացնել: Հավասար ուժեր ունեցող թիմեր են, որոնք ունեն ընդգծված առաջատարներ՝ Ռոնալդուն ու Բեյլը: Հետաքրքիր կլինի հետևել «Ռեալի» ֆուտբոլիստների պայքարին:
Զգույշ խաղ կընթանա: Սեղանին դրված է կիսաեզրափակչի ուղեգիրը: Հնարավոր է, որ գործը հասնի լրացուցիչ ժամանակին, հետո նաև 11 մետրանոց հարվածաշարին: Առաջարկում ենք «ոչ-ոքի» խաղադրույքը, որն այս խաղում ամենատրամաբանական ելքն է: Գործակիցը 3,08 է:
Գերմանիա — Ֆրանսիա
Այս հանդիպումը կարող էր զարդարել եզրափակիչը, բայց հանգամանքների բերումով այն կկայանա մի փոքր ավելի վաղ: Այստեղ նույնպես ֆավորիտ չկա: Բուքմեյքերները աննշան առավելություն տալիս են մրցաշարի տանտերերին:
Երկու հավաքականներն էլ ուժեղ հարձակման գիծ ունեն, բայց պաշտպանությունում մի փոքր կաղում են: Ֆրանսիան ընթացիկ Եվրոյում անցկացրած 5 խաղում 11 գոլ է խփել, ինչը մասնակից բոլոր թիմերի մեջ լավագույն արդյունքն է: Գերմանիան իր հերթին հաջողության է հասել 7 անգամ, ինչը նույնպես լավ ցուցանիշ է:
Այստեղ տրամաբանական է այն, որ թիմերը կփոխանակվեն գոլերով: Իսլանդիայի դեմ քառորդ եզրափակչի խաղը ցույց տվեց (5:2), որ ֆրանսիացիները պաշտպանությունում խնդիրներ ունեն, թեպետ առջևի գծում ամեն ինչ հրաշալի է: Երկու հավասար թիմեր, որոնք ունեն ուժեղ հարձակման գիծ: Ինչու՞ չպետք է գրավեն միմյանց դարպասը: Առաջարկում ենք «երկուսն էլ կխփեն» խաղադրույքը, որի գործակիցը 2,02 է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: