Հայտնի ռուս թենիսիստուհի, աշխարհի նախկին 5-րդ ռակետ, WTA-ի առանձին մրցաշարերում 8 տիտղոս նվաճած, «Евроспорт» հեռուստաընկերության մեկնաբան, «Բուքմեյքերների Ռեյտինգի» փորձագետ Աննա Չակվետաձեն կանխատեսում է արել Australian Open-ի տղամարդկանց մենապայքարի առաջին շրջանի Էրնեստ Գուլբիս — Ժերեմի Շարդի հանդիպման վերաբերյալ: Մեր փորձագետը կարծում է, որ ֆրանսիացին չի թողնի, որ հանդիպումը ձգձգվի:
Առաջին ռաունդի համար հետաքրքիր հանդիպում է: Գուլբիսը մրցելու է Շարդիի դեմ: Էրնեստ Գուլբիսը նախորդ մրցաշրջանը շատ թույլ անցկացրեց եւ իջեցրեց իր վարկանիշը: Եվ նա պետք է շատ ուժ գործադրի, որպեսզի վերադառնա նախկին մակարդակին: Համոզված չեմ, որ նա կարող է դա անել: Նրան չի բավականացնում ցանկությունը, պատրաստակամությունը: Շարդին այժմ ռեյտինգում 31-րդն է: Ֆրանսիացին նախորդ տարի շատ է պարտվել, երկու անգամ հայտնվել քառորդ եզրափակիչներում: Պարտվել է Մարչենկոյին եւ Մյուլլերին: Գուլբիսը ընդհանրապես պարտվեց Սարգսյանին . . . Ես նույնիսկ չգիտեմ, թե ով է նա: Վերջերս նա ինչ-որ ճապոնացու պարտվեց: Ընդհանուր առմամբ, Էրնեստը ուղղակի պատրաստ չէ լավ մակարդակով խաղալ: Հնարավոր է՝ նա կարողանա իրեն տրամադրել Australia Open-ում, որտեղ նա հատուկ նվաճումներ չի գրանցել: Կարծում եմ, Շարդին այստեղ պետք է բավականաչափ վստահ հաղթանակի հասնի: Իհարկե, նրա մոտ եւս ձախողումներ լինում են, բայց խաղին նա ավելի լուրջ է վերաբերվում, քան Գուլբիսը, ով երբեմն դուրս է գալիս եւ սխալ հարվածներ կատարում՝ շեղ հարվածելով ու մրցավարների հետ վիճաբանում: Գուլբիսի արդյունքները ցույց են տալիս, որ նա պատրաստ չէ ծանր պայքարի:
Ենթադրում եմ, որ այս խաղում 38 գեյմից քիչ կլինի: