ԱԱ-2022-ի չեմպիոն ու լավագույն ֆուտբոլիստ: Արթուր Պետրոսյանի կանխատեսումը
Ես ցանկանում եմ խաղադրույք կատարել, որ աշխարհի առաջնության գավաթը կնվաճի կամ Բրազիլիան, կամ Արգենտինան: Բրազիլիան իմ գլխավոր ֆավորիտն է: Ինձ թվում է, որ այս պահին աշխարհի ամենահզոր թիմը Բրազիլիան է, որի կազմում խելահեղ կատարողներ կան: Այս հավաքականը վերջին շրջանում շատ է ավելացրել:
Արգենտինային նույնպես պետք է լուրջ վերաբերվել: Լիոնել Սկալոնիի թիմն արդեն 3 տարի չի պարտվում: Արգենտինան շատ կազմակերպված և պրագմատիկ կոլեկտիվ է: Արգենտինայի հավաքականը դիտարժան ֆուտբոլ չի խաղում, բայց դրա կարիքն էլ չկա: Լիոնել Մեսին և ընկերներն արժանի տեսք ունեն և շատ էֆեկտիվ են: Լեոն այժմ փայլուն մարզավիճակում է: Այս Մունդիալը Մեսիի վերջին խոշոր մրցաշարն է հավաքականի կազմում: Այնպես որ, արգենտինացիներն ամեն ինչ կանեն գավաթը նվաճելու համար: Եթե Արգենտինան և Բրազիլիան հաղթեն իրենց խմբերում, ապա կարող են հանդիպել կիսաեզրափակիչում:
Մյուս տարբերակն այն է, որ Մեսին կճանաչվի Մունդիալի լավագույն ֆուտբոլիստ: Հավաքականում նա բավականին մոտ է խաղում հարձակման գծին: Լեոն բավականին պահեր կունենա: Նա և գոլեր կխփի և փոխանցումներ կբաժանի խաղընկերներին: Կարծում եմ՝ արգենտինացիները նվազագույնը մինչև կիսաեզրափակիչ կհասնեն, իսկ Մունդիալում ցուցադրած խաղի համար «Ոսկե գնդակը» կշնորհեն Մեսիին:
Եվս մեկ հետաքրքիր խաղադրույք: Մեսին ավելի շատ գոլ կխփի, քան Կրիշտիանու Ռոնալդուն: Այնքան էլ վստահ չեմ, որ Պորտուգալիան այս մրցաշարում հաջող հանդես կգա: Նույնը վերաբերում է նաև Ռոնալդուին: Այժմ Պորտուգալիայի հավաքականի ներսում այնքան էլ լավ մթնոլորտ չէ Ռոնալդուի հանդեպ: Իսկ այս ամենը կարող է ազդել պորտուգալացիների խաղի վրա: Նույնիսկ վստահ չեմ, որ Կրիշտիանուն 90 րոպե կանցկացնի խաղադաշտում: Իսկ Մեսին լավ ֆուտբոլ կցուցադրի ու ավելի շատ գոլ կխփի, քան Ռոնալդուն:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: