Էրիսլանդի Լարա — Վանես Մարտիրոսյան. Ալեքսանդր Բելենկիի կանխատեսումը
Հետաքրքիր մենամարտ է սպասվում մեզ: Շատ լուրջ մրցակիցներ են, բայց ես խաղադրույք եմ կատարում Լարայի հաղթանակի վրա: Նա շատ արդյունավետ մարտիկ է: Կան մարդիկ, ովքեր ավելի լավն են թվում, քան իրականում են, և կան այնպիսիները, ովքեր ավելի վատն են թվում, քան կան: Լարան պատկանում է 2-րդ տիպին: Նա ռինգում այնքան էլ ազդեցիկ չէ, բայց լավ է աշխատում ու շարժվում: Ենթադրում եմ, որ կուբացին միավորներով կհաղթի: Այնուամենայնիվ, Մարտիրոսյանը համարձակ ու անսասան բռնցքամարտիկ է: Միավորների տարբերությունն այնքան էլ մեծ չի լինի:
Լարան իսկական պայքար մղեց Կանելո Ալվարեսի դեմ և միավորներով պարտվեց: Էրիսլանդին կուբական դպրոցի դասական ներկայացուցիչ է, նա ամեն ինչ կարողանում է: Նա չունի մահացու հարված կամ գրավիչ տեխնիկա, բայց ռինգում տիրապետում է բացարձակապես ամեն ինչի: Նա ամեն ինչ անում է ամենաբարձր մակարդակով: Ունի լավ պաշտպանություն, նորմալ հարվածային տեխնիկա և մեծ զինանոց: Նա սուպեր-պուպեր նոկաուտ անող չէ, բայց ծանր հարվածներ ունի: Բարդ է Լարայի որևէ առանձնահատկություն նշել, հենց դրա համար էլ նա այնքան էլ հայտնի չէ: Հայտնի դառնում են շատ ագրեսիվ բռնցքամարտիկները, ովքեր ռինգում լավ են նայվում, ինչպես նույն Ալվարեսը: Իմ կարծիքով Լարան չի պարտվել Ալվարեսին: Հավասար պայքար էր: Չեմ ասի, որ այնտեղ սկանդալային որոշում եղավ: Ալվարեսի մասնակցությամբ սովորական մենամարտ, որտեղ առավելությունը կրկին տվեցին նրան:
Մարտիրոսյանին լավ գիտեմ: Տաղանդավոր երիտասարդ է: Դեռ Աֆինայի օլիմպիադայում եմ նրան տեսել: Բայց օլիմպիադայից 12 տարի է անցել, իսկ նա իր մարզավիճակի գագաթնակետին չի հասել: Լավ բռնցքամարտիկ է՝ վտանգավոր և ուժեղ, բայց ինչ-որ բան նրան չի հերիքում: Վանեսն ընդամենը 2 անգամ է պարտվել իր կարիերայի ընթացքում, երկու անգամ էլ միավորներով: Երկու մենամարտերն էլ նման էին միմյանց: Մի փոքր չբավականացրեց Մարտիրոսյանին, և, կարծում եմ՝ այս անգամ էլ չի բավականացնի:
Լարան ու Մարտիրոսյանը հանդիպել են: Մենամարտն ընդհատվել է 9-րդ ռաունդում: Բռնցքամարտիկները պատահաբար բախվեցին, և Վանեսը պատռվածք ստացավ: Մրցավարական արձանագրություններում ոչ-ոքի գրանցվեց: Կարծում եմ, որ այդ պահից սկսած Լարան բավականին ավելացրեց, նրա կարիերան ծաղկեց, իսկ Մարտիրոսյանն ակնում ապրեց: Հենց այդ պատճառով էլ Լարան այս մենամարտում ֆավորիտ է: Խաղադրույք եմ կատարում այն բանի վրա, որ կուբացին միավորներով կհաղթի:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: