«Էմպոլի» – «Ռոմա». Ռոբերտ Գասպարյանի կանպատեսումը
«Գավաթային խաղում ամեն ինչ կարող է պատահել», — «Ինտերի» հետ խաղից առաջ լրագրողներին զգուշացրեց Աուրելիո Անդրեացոլին և քիչ էր մնում սենսացիա ստեղծեր: «Էմպոլին» Միլանում հանդես եկավ կիսահիմնական կազմով և 90-րդ րոպեի դրությամբ 2։1 հաշվով հաղթում էր Իտալիայի գործող չեմպիոնին։ Բայց չդիմացավ ճնշմանը՝ բաց թողնելով հաղթանակը լրացուցիչ ժամանակում։
«Էմպոլին» «Ռոմայի» հետ առաջիկա հանդիպման պատճառով մեկնարկային կազմով չխաղաց «Ինտերի» հետ։ Չնայած մրցաշարային աղյուսակի նկուղային հատվածում զբաղեցրած վստահ դիրքին, Անդրեացոլին չի հոգնում կրկնել, որ մրցաշրջանում թիմի սկզբնական նպատակn Ա Սերիայում գոյությունը պահպանելն է։
Հռոմի թիմը գավաթի խաղարկությունում սեփական դաշտում 3։1 հաշվով հաղթել է «Լեչեին»։ Բայց այդ հաղթանակը հեշտ չի տրվել. առաջին խաղակեսում Ժոզե Մոուրինյոյի թիմը լավագույնս չէր դրսևորում իրեն, իսկ խաղից հետո պորտուգալացի մարզիչը բացատրեց պատճառը. «Ես լիովին պատասխանատու եմ առաջին խաղակեսի համար: Երբ մտածում ես հաջորդ խաղի մասին, դա սովորաբար չի օգնում թիմին ընթացիկ խաղում: Ուզում էի Մխիթարյանին հանգիստ տրամադրել, սակայն ստիպված եղա նրան դաշտ դուրս բերել՝ խաղի ընթացքը բեկելու համար», — ասել է Ժոզեն։
Քրիս Սմոլինգը և Ստեֆան Էլ Շարավին ապաքինվել են վնասվածքից, իսկ Ռոժեր Իբանեսը և Բրայան Կրիստանտեն որակազրկված են: Սպինացոլային ու Պելեգրինիին չհաշված, «Ռոման» կարող է իրեն թույլ տալ քիչ թե շատ հիմնական կազմով դուրս գալ դաշտ, ինչը կապահովի «Ռոմայի» հաղթանակը։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: