«Էլչէ» – «Ռեալ». Ռոբերտ Գասպարյանի կանխատեսումը
Երբ նախորդ տարվա ամռանը Կառլո Անչելոտտին գլխավորեց «Ռեալը», քչերն էին հավատում, որ «Սերուցքայինները» կարող են նման բարձր մակարդակի ֆուտբոլ ցուցադրել, և ֆավորիտ համարվել բոլոր մրցաշարերում։ Իսպանիայի արքայական գավաթի խաղարկության 1/8 եզրափակիչում «Մայրաքաղաքայինների» մրցակիցը լինելու է առաջին հայացքից համեստ թվացող «Էլչեն»։
Ի՞նչ ասել է «առաջին հայացքից համեստ»։ «Էլչեն» 2022—ը փայլուն է սկսել՝ անցկացրած 4 խաղում տանելով 3 հաղթանակ, ընդ որում՝ անընդմեջ։ Մինչդեռ Մադրիդի «Ռեալն» իր Ամանորը «հարամել է» հյունկալվելիս՝ պարտվելով «Խետաֆեին»։ 2021—ի հոկտեմբերի 3-ից ի վեր սա Արքայական ակումբի առաջին պարտությունն էր։ Առաջիկա խաղին Բենզեման և ընկերները մոտենալու են առավել քան բարձր տրամադրությամբ, քանի որ հաղթանակած են վերադարձել Սաուդյան Արաբիայից, որտեղ նախ փայլուն հաղթանակ են տարել «Բարսելոնայի» նկատմամբ, ապա 2 անպատասխան գնդակ են ուղարկել Բիլբաոյի «Աթլետիկի» դարպասը՝ նվաճելով Իսպանիայի Սուպերգավաթը։
«Էլչեի» կազմի վերաբերյալ հստակ տեղեկություններ չկան, բայց, ամենայն հավանականությամբ, խաղը բաց կթողնի հիմնական պաշտպան Էլիբեյտոն Պալասիոսը և ոչ հիմնական կազմի կիսապաշտպան Ֆիդելը։ «Ռեալի» կորուստներն արդեն կրում են սովորական բնույթ. լազարեթում են Մարկո Ասենսիոն, Գարեթ Բեյլը, Դանի Կարվախալը և Մարիանո Դիասը։ Բայց, ամենամեծ կորուստը թիմի հիմնական կենտրոնական պաշտպան Էդեր Միլիտաոյի բացակայությունն է. բրազիլացին որակազրկված է։
Վստահ չեմ, որ «Ռեալը» հաղթելու է առանց սեփական դարպասն անառիկ պահելու։ Բայց, հավատում եմ, որ խաղում կգրանցվի առնվազն 2-3 գոլ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: