Դանիա — Հայաստան. Մենուա Մեհրաբյանի կանխատեսումը
Պետք է իրատես լինեմ և ասեմ, որ մեծ սպասելիքներ չունեմ Դանիայի հետ կայանալիք խաղից: Անհրաժեշտ խաղային պրակտիկա չունեցող ֆուտբոլիստներով գրեթե ոչինչ չենք կարող անել: Չեխիայի հավաքականի հետ կայացած խաղը հստակ ընդգծեց ներկա պահին մեր ընտրանում առկա բոլոր բացերն ու խնդիրները: Ցավով պետք է նշեմ, որ չեխերի հետ կայացած հանդիպումը խորը հիասթափություն առաջացրեց ու Կոպենհագենում կայանալիք խաղի առումով մեծ մտավախություն առաջացրեց: Չի կարելի թիմին հասցնել այն աստիճանի, որ ամբողջ հույսը դրվի միայն մեկ ֆուտբոլիստի ներկայության վրա:
Մխիթարյանը չի մասնակցի դանիացիների հետ խաղին: Բնականաբար, Հենրիխի կորուստը զգալի է և լուրջ: Դրա համար անհրաժեշտ է, որպեսզի ՀՖՖ ղեկավարությունն, ի վերջո, առաջնորդվի առողջ բանականությամբ և հետամուտ լինի հավաքական հրավիրելու այն ֆուտբոլիստներին, որոնց կարիքն իսկապես կա: Գրեթե վստահ կարելի է ասել, որ ընտրական այս մրցափուլը նույնպես մեզ համար ավարտված է՝ դեռ չսկսված: Եկեք հույսներս չդնենք ֆուտբոլային հրաշքների վրա՝ դրանք հազվադեպ են իրականանում: Պետք է ընդամենն արձանագրենք այն, ինչն ունենք ներկա պահին: Ամեն դեպքում, միշտ էլ բոլորս սրտի խորքում փոքր հույս պահպանում ենք, բայց կարծում եմ, որ առաջիկա խաղում կպարտվենք առնվազն երկու գնդակի տարբերությամբ:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: