«Չելսի» – «Նորվիչ». Ռոբերտ Գասպարյանի կանխատեսումը
Անգլիայի ընթացիկ առաջնությունում անհնար է դեռևս կանխատեսել չեմպիոնության մրցավազքի իրական մասնակիցներին։ Ավանդաբար ուժեղ «Չելսին» այդ պայքարից երբեմն դուրս է մնում մրցաշրջանի ավարտից մի քանի տուր առաջ։ Այսօրվա «Չելսին» այլ պատմություն է. թիմի գլխավոր մարզիչ Թոմաս Տուխելը դրել է հստակ ձեռագիր, որն առայժմ արդյունք է բերում։ «Նորվիչի» հետ խաղում էլ պետք է որ այդպես լինի։
«Դեղձանիկների» գլխավոր մարզիչ Դանիել Ֆարկեն անելանելի բարդ վիճակում է. նրա գլխավորած թիմը վատագույնն է այս մրցաշրջանում, հանգրվանել է մրցաշարային աղյուսակի նկուղում, բայց վերջին խաղերում գոնե պաշտպանությունում ցույց է տալիս կենդանության որոշ նշույլներ։ Թիմը գոլ չի ընդունում «Բրայթոնից» ու «Բարնլիից», բայց չի էլ խփում, որովհետև եթե պաշտպանությունում կա շարժ, հարձակման գիծը Տեմու Պուկիի գլխավորությամբ զուտ մեռած է։
«Թոշակառուներն» առաջիկա խաղում ունենալու են զգալի խնդիրներ։ «Մալմյոյի» հետ Չեմպիոնների լիգայի խաղում վնասվածք ստացան Տիմո Վերներն ու Ռոմելու Լուկակուն։ Նրանց վերականգնման ժամկետները դեռ հայտնի չեն, բայց առաջիկա խաղին նրանք չեն մասնակցի։ Առաջատարների բացակայությամբ Տուխելը ստիպված կլինի հարձակման գծում անել որոշակի էքսպերիմենտներ. խաղաժամանակ կստանա Ռուբեն Լուֆտուս—Չիկը, իսկ «9» համարի դիրք կտեղափոխվի Կայ Հավերցը։
Չնայած խնդիրներին՝ կարծում եմ, որ «Չելսին» տնային խաղում ոչ մի խնդիր չի ունենա ու կհաղթի «չոր» հաշվով՝ առնվազն 2-3 գնդակի առավելությամբ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: