«Չելսի» — «Լիվերպուլ». Ռոբերտ Գասպարյանի կանխատեսումը
Չեմպիոնների լիգան ու Եվրոպա լիգան ավարտված են, թիմերը հիմա էլ նախապատրաստվում են ներքին առաջնության հանդիպումներին: Անգլիայի առաջնության ուշադրության կենտրոնում լինելու է սուպեր դիմակայությունը` «Չելսի» — «Լիվերպուլ»: Թեպետ առաջին նախադասությունն ամենևին էլ չի վերաբերվում այս թիմերին: Նախորդ մրցաշրջանում այս ակումբները հանդես եկան չափազանց վատ ու դուրս մնացին եվրոպական ընտանիքից: Հիմա տարվում է «անառակ» որդիների վերադարձի ճանապարհը:
Մերսիսայդյան ակումբը բավական ծանր մեկնարկեց առաջնությունում: Թվում էր` Յուրգեն Կլոպը չի կարողանա դուրս գալ ստեղծված իրավիճակից: Սակայն գերմանացի երիտասարդ մասնագետն ամեն ինչ իր տեղը դրեց, ակտիվացան վնասվածք ստացած ու ապաքինված ֆուտբոլիստները: Տրանսֆերային պատուհանի ընթացքում ձեռք բերված տղաները նույնպես աչքի են ընկնում արդյունավետությամբ: Մասնավորապես՝ Մանեն: Հիմնական կազմի մի շարք ֆուտբոլիստներ հավաքել են հիասքանչ մարզավիճակ ու կփորձեն երկարացնել հաղթարշավը, որի հերթական փուլը կայացավ օրերս: «Լիվերպուլը» 4։1 հաշվով պարտության մատնեց գործող չեմպիոն «Լեսթերին»: Յուրգեն Կլոպի թիմի կազմում չկան լուրջ կորուստներ:
«Արիստոկրատները» լրջորեն կերպարանափոխվել են նոր գլխավոր մարզիչ Անտոնիո Կոնտեի գալուց հետո: Նա կարողացել է զուտ իտալական համախմբվածություն, և ինչն ամենակարևորն է, երկաթե կարգապահություն ներմուծել նոր կոլեկտիվ: Տրանսֆերային պատուհանի ընթացքում ձեռք բերած ֆուտբոլիստների որակները նրան թույլ են տալիս անգլիական ֆուտբոլի համար միանգամայն նոր տակտիկա մշակել ու խաղալ մրցակիցների համար անհարմար ֆուտբոլ: Այս կոլեկտիվում ևս ամեն ինչ կարգին է: Սպասվում է մարտական կազմ:
Այս հակարամարտությունը վաղուց տիտանների մենամարտ է: Այստեղ ամեն ինչ որոշում են անհատները` մարզիչները կամ առանձին ֆուտբոլիստները: Սա մարզչական լուրջ խաղ է: Կհաղթի ամենից դիմացկունն ու մոտիվացնողը: Իսկ դաշտում` ամենից ագրեսիվը: Իմ խաղադրույքը հօգուտ Դիեգո Կոստայի է: Լոնդոնցիների հարձակվողը առանց գոլի չի հեռանա մարզադաշտից:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: