«Բլեքբեռն» — «Մանչեսթեր Յունայթեդ». Ռոբերտ Գասպարյանի կանխատեսումը
«Մանչեսթեր Յունայթեդի»` այս մրցաշրջանի գրեթե բոլոր հանդիպումների ընթացքին հայ երկրպագուն հետևել է: Իսկ ահա «Բլեքբեռնից» մնացել են լոկ հիշողություններ: Այս պահին լոնդոնյան ակումբը Անգլիայի առաջին դիվիզիայի առաջնությունում զբաղեցնում է վերջին հորիզոնականները և միայն նոստալգիայով է հիշում այն տարիները, երբ մանկունյանցիների կարգի «մեծ» ակումբները հյուրընկալվում էին Իվուդ Պարկ: Ի դեպ, վերջին անգամ այս թիմերը Լոնդոնում մրցել են 2012 թվականին: Էշլի Յանգի ու Անտոնիո Վալենսիայի խփած գնդակները հաղթանակ են պարգևել «Ման Յունայթեդին»: Ինչպե՞ս կզարգանան իրադարձություններն այսօր:
Այլևս անցել են այն օրերը, երբ «Բլեքբեռնը» պայքարում էր անգամ եվրոպական ակումբային որևէ մրցաշարյի ուղեգրի համար: Հիմա անգամ էլիտար դիվիզիոն վերադառնալն է դառնում խնդիր: Մնում է կենտրոնացնել ուժերն ու հաջող հանդես գալ գավաթի խաղարկությունում: Այդ առումով «Բլեքբեռն» իսկապես հիացնում է: 3-րդ տարին անընդմեջ Օուեն Կոյլի ֆուտբոլիստները հասնում են այս մրցաշարի 5-րդ փուլ: Դժվար է ասել կշարունակեն պայքարը թե ոչ, բայց արժանին անխոս պետք է մատուցել լոնդոնցիներին: Հաշվետու խաղում թիմին չեն օգնի որակազրկված Էլիոտ Բենետն ու Խոուպ Ակպանը: Դրանից զատ չի խաղա նաև Կորի Էվանս – Թոմի Հոբան զույգը: Բայց այս կորուստները հնարավոր կլիներ փոխարինել, իսկ ահա Սեմ Գալահերի` թիմի լավոգւն ռմբարկուի կորուստը լրացնելն` անհնար է:
«Կարմիր սատանաներն» այս տարի հիացնում են բոլորին: Ակումբը հրաշալի է հանդես գալիս գավաթային խաղերում: Արդեն հասցրել է դուրս գալ լիգայի գավաթի եզրափակիչ, կփորձի դուրս գալ գավաթի խաղարկության լավագույն ութնյակ, Եվրոպա լիգայում էլ գրեթե ապահովել է տեղը 1/8 եզրափակչում: Ասուլիսներից մեկի ժամանակ Մոուրինյոն նշել է, որ չի պատրաստվում մատների արանքով նայել գավաթի խաղարկությանն ու այսօր իր թիմը կխաղա գրեթե մարտական կազմով: Բրիտանական լրատվամիջոցների կարծիքով այս խաղը կարող են բաց թողնել Ռունին, Կերիկն ու Մխիթարյանը: Հայ ֆուտբոլիստը վնասվածք չունի, սակայն մի քանի օր առաջ պարզապես վատառողջ էր: Գուցե այսօր էլ նա հանգստանալու հնարավորություն ստանա: Զլատանը նույնպես կբացակայի հիմնական կազմից` տեղը զիջելով Մարկուս Ռեշֆորդին:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: