«Բազել» – «Փյունիկ»։ Էդուարդ Քալանթարյանի կանխատեսումը
Բարև Ձեզ.
Որակավորման փուլի ոդիսականն ավարտվեց, և Հայաստանի չեմպիոն Երևանի «Փյունիկը» պայքարն է սկսում Կոնֆերենցիաների լիգայի խաղարկության խմբային փուլում: Մեր թիմի մրցակիցներն են Շվեյցարիայի «Բազելը», Սլովակիայի «Սլովանը» և Լիտվայի «Ժալգիրիսը»: Մրցաշարը «Փյունիկը» կսկսի «Բազելի» հետ արտագնա խաղով:
Եթե անկեղծ, այս քառյակում «Փյունիկը» թույլ չէ միայն Լիտվայի չեմպիոնից: Հենց «Ժալգիրիսի» հետ խաղերում է սպասվում միավորների հիմնական վաստակումը: Մյուս մրցակիցների հետ խաղերում Եղիշե Մելիքյանի թիմը պետք է փորձի հարմարվել եվրագավաթային իրականությանը: Մասնավորապես «Բազելը» խմբում հաղթելու հիմնական հավակնորդն է, և նրա հետ սկսելը լավագույն տարբերակը չէր հայկական ակումբի համար: Բայց օրացույցից կարող են դժգոհել կա՛մ շատ ուժեղները, կա՛մ շատ թույլերը: Նման պայմաններում «Փյունիկը» դժգոհելու ոչինչ չունի և պետք է առավելագույնը քաղի իր առաջիկա վեց եվրագավաթային խաղից:
«Բազելն» այժմ այն սարսափելի ուժը չէ. անգամ Շվեյցարիայում: Երկրի փոխչեմպիոնը պայքարը սկսեց հենց Կոնֆերենցիաների լիգայի որակավորման երկրորդ փուլից և անցավ բավականին բարդ ուղի: Հյուսիսային Իռլանդիայի «Կրուսադերսի», Դանիայի «Բրոնդբյուի» և Բուլղարիայի ԲԿՄԱ-ի հետ դիմակայություններում «Բազելը» լուրջ խնդիրների բախվեց: Միևնույն ժամանակ, պետք է խոստովանել, որ մրցակիցներն ամենահեշտերից չէին: Այդ ընթացքում «Բազելը» հասցրեց ձախողել Շվեյցարիայի նոր առաջնության մեկնարկը և տասը թիմերի պայքարում վեց խաղից հետո նույնքան միավորով զբաղեցնում է 8-րդ տեղը: Բայց Կոնֆերենցիաների լիգայում Ալեքսանդր Ֆրայի գլխավորած թիմը հանդես կգա ամբողջությամբ այլ շարժառիթով:
«Փյունիկի» գլոբալ խնդիրները չեն անհետացել: Անգամ մի քանի նոր տրանսֆերից հետո Մելիքյանի թիմն ունի գոլ խփելու խնդիր, ինչն ակնհայտ երևում է նաև Հայաստանի առաջնությունում, որտեղ մեր թիմը «Բազելի» օրինակով ծանր է մեկնարկել:
Հետևաբար, Կոնֆերենցիաների լիգայի H խմբի մեկնարկային խաղում, բացահայտ է թվում շվեյցարական ակումբի առավելությունը: Կարծում եմ «Բազելը» կհաղթի ու առաջարկում եմ դրան գումարել գոլերի քանակ: «Բազելի» հաղթանակն ու խաղում առնվազն չորս գոլը կատարյալ տարբերակ է այս դիմակայության համար:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: