Արմենիա TV-ի «Comments» հաղորդման վարող Արմեն Թադևոսյանը կանխատեսում է արել Բարսելոնայի «Նոու Կամպ» մարզադաշտում կայանալիք Չեմպիոնների լիգայի 1/4 եզրափակչի «Բարսելոնա» — «Յուվենթուս» պատասխան հանդիպման վերաբերյալ: Նա կարծում է, որ թուրինյան ակումբը պատասխան խաղում էլ կհաղթի:
Առաջին խաղում կանխատեսել էի «Յուվենթուսի» հաղթանակը: Թուրինցիները հաղթեցին, այն էլ խոշոր հաշվով: Պատասխան խաղից առաջ «Բարսելոնան» գրեթե շանսեր չունի, չնայած բոլորն են հիշում «ՊՍԺ»-ի դեմ պատմական քամբեքը: «Յուվենթուսը» հրաշալի մարզավիճակում է: Կարծում եմ, որ Ալեգրիի թիմը պատասխան խաղում էլ կհաղթի: Կանխատեսում եմ գոլերի փոխանակությունը, ինչպես նաև ստույգ հաշիվ՝ 3:2՝ հօգուտ «Ծեր Սինյորայի»: