«Բարսելոնա» – «Լևանտե»․ Դեպայը գոլ կխփի
«Բարսելոնայում» խնդիրները ոչ թե չեն լուծվում, այլ շարունակում են ավելանալ։ Թիմը չի հաղթել 3 խաղ անընդմեջ, իսկ 2-ում նույնիսկ գոլ չի խփել։ «Կադիսի» հետ նախորդ խաղում դաշտից հեռացվեց Ֆրենկի Դե Յոնգը, իսկ թիմի գլխավոր մարզիչ Ռոնալդ Կումանը կարմիր քարտ ստացավ հանդիպման վերջնամասում։ Նրանց երկուսի բացակայությունն այս խաղում մեծ կորուստ է թիմի համար։
Անգամ այսքան խնդիրներով, «Բարսելոնան» մնում է «Բարսելոնա» և սեփական հարկի տակ կարող է ջախջախել «Լևանտեին», բայց․․․ հիմա ստեղծվել է այնպիսի իրավիճակ, երբ պետք է լինի մեկը, որն առաջ կտանի թիմին։ Կարծում եմ՝ այդ մեկը Մեմֆիս Դեպայն է։ Հոլանդացի հարձակվողը բավականին լավ էր սկսել մրցաշրջանը, սակայն վերջին խաղերում չի կարողանում աչքի ընկնել գոլով։
Հաշվի առնելով «Բարսելոնայի» պաշտպանության գծում խնդիրները, Դե Յոնգի և Կումանի բացակայությունը՝ կարծում եմ, որ այս խաղում թիմն ավելի անփույթ կգործի և չի բացառվում, որ նորից չկարողանա անառիկ պահել սեփական դարպասը։ Չեմ հավատում, որ «Բարսելոնան» նորից չի հաղթի։ Ամեն դեպքում, հաշվի առնելով վերջին խաղերը՝ չեմ ցանկանում կանխատեսում կատարել խաղի ելքի կամ գոլերի տոտալի վրա։
Ընտրում եմ՝ Մեմֆիս Դեպայը գոլ կխփի խաղադրույքը, որի համար Vbet-ը սահմանել է 2․00 գործակիցը։ Կարծում եմ՝ ստեղծված իրավիճակում միայն Դեպայն է, որն, ամենայն հավանականությամբ, գոլ կխփի։ Թիմի հարձակման գծի գրեթե բոլոր խաղացողները վնասվածք ունեն՝ Ագուերո, Դեմբելե, Բրեյթուեյթ։ Իսկ նորեկ Լյուկ Դե Յոնգն էլ լիովին չի հարմարվել «Բարսելոնայի» խաղաոճին։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: