«Բարսելոնա» — «Ալավես». Ալեքսանդր Վիշնեվսկու վիդեոկանխատեսումը

Ողջույն բոլորին: Իսպանական ֆուտբոլային մրցաշրջանը վերջապես ավարտվում է, և այն ավարտվում է Արքայական գավաթի եզրափակչով՝ «Բարսելոնան» ընդդեմ «Ալավեսի» Վիտորիայից՝ բասկերի երկրի մայրաքաղաքից: Կարծում եմ, որ խաղն այդքան հեշտ չի լինի «Բարսելոնայի» համար, ինչպես շատերն են ակնկալում, ինչպես կարելի է դատել բուքմեյքերական լայնույթներով, քանզի «Բարսան» զգալի կորուստներ ունի, և դուրս են մնացել հիմնական խաղացողներն հենց այն երկու դիրքերի, որտեղ բարդ է նրանց փոխարինելը: Առաջին հերթին՝ կիսաեզրափակչում կարմիր քարտի պատճառով չի խաղա Լուիս Սուարեսը, ով միաժամանակ նաև վնասվածք է ստացել: Այսինքն, նա միանգամից երկու պատճառով չի խաղում, և, երևի թե, դա կստիպի Լուիս Էնրիկեին իր հրաժեշտի խաղում դուրս բերել այդքան հիասքանչ ամառային ձեռքբերմանը, ինչպիսին Պակո Ալկասերն է: Բացի դրանից, պաշտպանության աջ եզրում էլ ավելի լուրջ խնդիրներ կան: Այնտեղ չի խաղա Սերխի Ռոբերտոն, հաշվի առնելով, որ Ալեիշ Վիդալը նույնպես վնասվածք ունի, երևի թե, ստիպված կլինեն այդ դիրքում անսպասելի խաղացողի դնել, կամ ընդհանրապես անցնել երեք կենտրոնական պաշտպաններով համակարգին: Տեսնենք, թե ինչ կընտրի Լուիս Էնրիկեն, բայց անկախ նրա որոշումից, հավանաբար, խաղադրույք կկատարեմ ոչ թե արդյունքի, այլ այն բանի վրա, որ երկրորդ խաղակեսն առաջինից արդյունավետ կլինի:

Անկեղծ ասած՝ նույնիսկ ցանկանում էի խաղադրույք կատարել այն բանի վրա, որ «Ալավեսը» չի պարտվի խոշոր հաշվով: «Ալավեսի» (+2,5) ֆորայով հաղթանակի վրա կարելի էր խաղադրույք կատարել 1,69 գործակցով, բայց ինձ շփոթեցնում են բասկյան թիմից վերջին նորությունները: Այնտեղ վաղուց վնասվածք էր ստացել կենտրոնական պաշտպան Լագուարդիան՝ լիովին առանցքային խաղացող, բայց այժմ պարզ է դարձել, որ նրա վնասվածքն այնքան լուրջ է, որ նա գավաթի եզրափակչում խաղալու շանսեր չունի: Կարծում եմ, որ սա զգալի հարված է «Ալավեսի» պաշտպանության ամրությանը, հետևաբար Լագուարդիայի բացակայությունը «Բարսելոնայի» համար այնուամենայնիվ մեծ առավելություն է:

Խաղադրույք եմ կատարում այն բանի վրա, որ երկրորդ խաղակեսն առաջինից արդյունավետ կլինի: Սա իմ սովորական խաղադրույքն է «Ալավեսի» մասնակցությամբ խաղերում, քանզի առաջնությունում թիմը գոլազուրկ առաջին խաղակեսերի քանակով անցավ բոլոր ռեկորդները: 0:0 հաշիվը պահպանվել է «Ալավեսի» առաջնության 38 հնարավոր խաղերից քսանում՝ Իսպանիայի առաջնությունում լիովին ռեկորդ: Դե և եթե մենք հիշենք «Բարսելոնայի» ու «Ալավեսի» միջև նախորդ հանդիպումները, ապա դրանցում ամեն անգամ այս խաղադրույքն աշխատել է: Առաջին շրջանի խաղը, որում «Ալավեսն» անսպասելիորեն հաղթեց «Նոու Կամպում» (2:1), այնտեղ մեկ գոլ եղավ առաջին խաղակեսի վերջում և երկու գոլ ընդմիջումից հետո: Վիտորիայում պատասխան խաղը, երբ «Բարսելոնան» ոչնչացրեց «Ալավեսին» 6:0 հաշվով, այնտեղ նույնպես գոլերը խփվեցին երկրորդ խաղակեսի վերջնամասում: «Բարսան» հասցրեց երկու գոլ խփել առաջին խաղակեսում և բացվեց երկրորդում՝ խփելով չորսը:

Կարծում եմ, այստեղ ոչ ոք առաջին րոպեներից չի շտապի: Ինչ-որ հետախուզում կլինի, և «Ալավեսի» պաշտպանության ամրությունը, ինձ թվում է, կարող է բասկերին թույլ տալ առաջին խաղակեսում կամ բաց չթողնել, կամ քիչ բաց թողնել: Իսկ երկրորդում, երբ ինչ-որ մեկը վա-բանկի գնա, կարծում եմ, որ գոլերի շանսերն անհամեմատ շատ կլինի, այդ պատճառով կարծում եմ, որ այս խաղում երկրորդ խաղակեսն առաջինից արդյունավետ կլինի:

Շնորհակալություն ուշադրության համար: Ձեր հետ Ալեքսանդր Վիշնեվսկին էր՝ Իսպանիայում «Спорт-Экспресс»-ի թղթակիցը «Բուքմեյքերների Ռեյտինգի» կայքի համար: