«Աթլետիկո» – «Բարսելոնա». Ռոբերտ Գասպարյանի կանխատեսումը
Կատալոնական «Բարսելոնայի» վիճակը գնալով ավելի ու ավելի ծանր է դառնում։ Չեմպիոնների լիգայի երկրորդ խաղում անընդմեջ Ռոնալդ Կումանի տղաները բաց թողեցին 3 գնդակ, մրցակցի դարպասին էլ ոչ հարված չկատարեցին։ Բոլոր մրցաշարերում միասին վերցրած, «Կապտանռնագույնները» վերջին 5 խաղում տարել են 1 հաղթանակ, այն էլ՝ «կիսամեռած» «Լևանտեի» նկատմամբ։
«Աթլետիկոն» խաղում է տիպիկ «Էլ Չոլոյին» բնորոշ ֆուտբոլ. հանդիպումն անցկացնում է ցածր տեմպով, հոգնեցնում մրցակցին մինչև վերջին շունչը ու վերջնական խայթում վերջին վայրկյաններին։ Ունենալով Սուարեսի պես գել ու գազան առջևի գծում՝ ինչու՞ չխաղալ այդ ոճով։ ՉԼ-ի նախորդ խաղում այդպես ծնկի բերվեց «Միլանը», Լա Լիգայում՝ «Խետաֆեն»։ Այո, վերջին շրջանում Սիմեոնեի թիմը մի տեսակ սպասվածից թույլ է խաղում (զրոներ Բիլբաոյի «Աթլետիկի» հետ և պարտություն «Ալավեսից»), բայց «Բարսայի» հետ ուժերը պետք է որ հերիքեն հաղթանակի համար։
«Բարսելոնան» վերջին անգամ Դիեգո Սիմեոնեի թիմին հաղթել է, երբ աշխարհը չգիտեր՝ պանդեմիան ինչ է։ Դրանից հետո՝ 4 խաղ, «Աթլետների» 4 հաղթանակ ու 2 ոչ ոքի։ Եթե հաշվի առնենք թիմերի կարդային խնդիրները և հոգեբանական վիճակը, կգանք պարզ եզրակացության. «Բարսելոնան» հաղթելու ոչ մի շանս չունի։ Ավելին. «Աթլետիկոն» տանը հանգիստ նոկաուտի կենթարկի Կումանին։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: