«Աթլետիկ Բիլբաո» — «Վալենսիա». Կոնստանտին Գենիչի կանխատեսումը

Չէի կարող անտարբեր անցնել Եվրոպա լիգայում կայանալիք իսպանական դիմակայության կողքով: Եվ դրա համար խաղադրույք եմ պատրաստել, որը վերջին ժամանակահատվածում ինձ դուր է գալիս` «տոտալ 2-3 գոլ»: Պատճառաբանեմ. «Աթլետիկի» կազմում ամենայն հավանականությամբ չի խաղա Ադուրիցը, բայց մենք հիշում ենք այս թիմերի միջեւ վերջին հանդիպումը, որում բասկերի հարձակվողը միայն վերջնամասում դուրս եկավ փոխարինման: Այդ ժամանակ խաղի վերջնամասում ամեն ինչ դասավորվեց բասկերի օգտին: Բայց ընդհանրապես ընթացիկ մրցաշրջանում այս թիմերի միջեւ հանդիպումները գոլառատ են ստացվում` «Աթլետիկը» 3:1 եւ 3:0 հաշվով հաղթանակներ է տարել: Այստեղ եւս 2-3 գոլ պետք է խփվի: Ափսոս, որ «Վալենսիայի» կազմից մեկ ամսով կբացակայի հիանալի մարզավիճակ հավաքած Դենիս Չերիշեւը: Բայց միեւնույն ժամանակ կան Ալկասերը, Անդրե Գոմեշը, Ֆեղուլին, վերջինիս մոտ արդեն ամեն ինչ կարգին է: «Վալենսիայի» հակագրոհները լավն են: Կարծում եմ` տնային խաղում բասկերը գնդակին ավելի շատ կտիրեն: Իհարկե, թիմերից ոչ մեկ չի մոռանալու պատասխան հանդիպումը, բայց իսպանական ակումբներ են, եւ այստեղ սեփական հարկի առավելությունն այդքան էլ զգալի չէ: Հետեւաբար, արդեն հիմա թիմերը չեն պատրաստվում փակվել:

Իմ կարծիքով` «Վալենսիան» ամբողջովին ընդունակ է գոլ խփել «Սան Մամեսում», իսկ «Աթլետիկի» գոլի հարցում ընդհանրապես չեմ կասկածում` հաշվի առնելով, թե որքան խոցելի է «չղջիկների» պաշտպանությունը: Արդյունավետ հանդիպում չի լինի, վերջիվերջո առաջին խաղն է, բայց սպասում եմ գոլերի: