«Ատալանտա» – «Մարսել»։ Ռոբերտ Գասպարյանի կանխատեսումը
Առաջին խաղի համար կանխատեսել էի, որ թիմերը կփոխանակվեն գոլերով մինչև հանդիպման 60-րդ րոպեն։ Այդպես էլ եղավ։ Խաղի 11-րդ րոպեին Ջանլուկա Սկամական բացեց հաշիվը, իսկ 9 րոպե անց Շանսել Մբեմբան խփեց պատասխան գնդակը։ Հանդիպումն ավարտվեց 1։1 հաշվով։
Պատասխան խաղում ֆավորիտ է համարվում «Ատալանտան»։ «Լիվերպուլին» ջախջախելուց հետո իտալական թիմը դարձել է մրցաշարի հիմնական ֆավորիտներից մեկը։ Եթե «Ատալանտային» հաջողվի դուրս գալ եզրափակիչ, ապա մրցակիցը, ամենայն հավանականությամբ, կլինի Լևերկուզենի «Բայերը»։
Գասպերինիի գլխավորած թիմը 3 օր առաջ հաղթել է «Սալերնիտանային», իսկ «Մարսելը» 1 շաբաթ ժամանակ է ունեցել այս խաղին պատրաստվելու համար։ Թիմի գլխավոր աստղը Պյեր-Էմերիկ Օբամեյանգն է, որն այս խաղում աչքի ընկնելու լավ շանսեր կունենա։ «Ատալանտայի» պաշտպաններն արագ չեն և դիրքային գրոհների ժամանակ ազատ տարածություններ են թողնում։ Օբամեյանգն իր բարձր արագություն հաշվին կարող է օգտվել դրանից։
«Ատալանտան» տնային խաղում փորձելու է տիրել նախաձեռնությանը։ Այս թիմը գոլ է բաց թողել անգամ «Սալերնիտանայից», որն արդեն շանսեր չունի Ա սերիայում մնալու համար։
Կարծում եմ, որ այս խաղում թիմերը կփոխանակվեն գոլերով, սակայն շատ բարդ է կռահել, թե որ թիմը դուրս կգա եզրափակիչ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: