Արգենտինա – Բրազիլիա․ Ալեքսանդր Վիշնևսկիի կանխատեսումը

Զարմանալի է, որ այս թիմերը հանդիպելու են փոքրիկ Սան-Խուան քաղաքում։ Անհասկանալի է, թե ինչու են արգենտինացիները հենց այս քաղաքն ընտրել։

Առաջին շրջանի հանդիպումն անավարտ մնաց։ Բրազիլիան արդեն նվաճել է Մունդիալի ուղեգիրը։ Տիտեի թիմն ամբողջ մրցաշարում ընդամենը 2 միավոր է կորցրել։

Արգենտինան ունի 8 հաղթանակ, 4 ոչ ոքի և նույնպես անպարտելի է։ Թիմը լավ վիճակում է։ Արգենտինային ընդամենը 4 միավոր չի հերիքում Քաթարի ուղեգիր նվաճելու համար։ Պարզ է, որ Բրազիլիայի հետ խաղում չի հաջողվի այդքան միավոր վաստակել, սակայն, եթե մոտակա մրցակիցները պարտվեն, ապա արգենտինացիները կարող են անմիջապես ուղեգիր նվաճել։

Չեմ կարծում, թե այս խաղում շատ գոլեր կտեսնենք։ Արգենտինացիները վերջին հանդիպումներում ոչ մի գոլ բաց չեն թողել։ Թիմը հուսալի պաշտպանվում է։ Բրազիլիայի հավաքականը վերջին խաղերում բաց է թողնում։ Չի խաղալու Կազեմիրոն, որը «Սելեսաոյի» ստվերային առաջատարն է։ Կարելի է հիշել Կոպա Ամերիկայի եզրափակիչը, որտեղ Արգենտինան առավելության հասավ նվազագույն հաշվով։

Լիոնել Սկալոնիի թիմը խաղալու է տանը։ Պարզ է, որ հանդիպումը սկզբունքային բնույթ է կրելու և ոչ ոք ուժերը չի խնայելու։ Արգենտինան խաղալու է սեփական դաշտում, և իր կազմում ունի Մեսի։ Այս ամենը հաշվի առնելով՝ կարծում եմ, որ դաշտի տերերն առնվազն չեն պարտվի, կամ կհաղթեն նվազագույն հաշվով։