Անգլիական էքսպրեսս. «Սանդերլենդը» չի պարտվի, «Լիվերպուլն» ու «Արսենալը» կփոխանակվեն գոլերով
«Սանդերլենդը» շարունակում է վատ հանդես գալ: Սեմ Էլարդայսի թիմը վերջին 4 արտագնա խաղերում բաց է թողել 13 գոլ եւ խփել ընդամենը չորսը: Իհարկե, մրցակիցները «Արսենալը» (2 անգամ), «Սիթին» եւ «Չելսին» էին: Տանտերերի վիճակն էլ նախանձելի չէ: Թիմը 17-րդ տեղում է եւ մեկ միավորով է գերազանցում աղյուսակում նրան հաջորդող «Նյուքասլին»: Կարծում եմ, որ ծանր հանդիպում կստացվի, քանի որ խաղալու են գրեթե հավասար թիմեր: Հավանաբար այս խաղում «Սանդերլենդը» ավելի հաջող հանդես կգա ու կփորձի շտկել իրավիճակը: Չեմ պնդում, որ կհաղթի, բայց նաեւ չեմ հավատում պարտությանը: Այդ պատճառով էլ ընտրում եմ «հյուրերը չեն պարտվի» խաղադրույքը:
«Էնֆիլդում» կհանդիպեն «Լիվերպուլն» ու «Արսենալը»: Առանց 13 ֆուտբոլիստների մնացած Յուրգեն Կլոպին բարդ հանդիպում է սպասվում առաջնության առաջատարի հետ: Արսեն Վենգերի թիմը վերջին 10 արտագնա խաղերից պարտվել է ընդամենը մեկում, իսկ մրցակիցը սեփական հարկի տակ անպարտելի է արդեն չորս հանդիպում անընդմեջ: Երկու թիմերի կազմում էլ կա գոլ խփող ֆուտբոլիստ՝ Բենտեկեն եւ Ժիրուն: «Լիվերպուլի» հաղթանակն այս խաղում քիչ հավանական է, բայց գոնե մեկ գոլ խփել, կարծում եմ, կհաջողվի: Ընտրում եմ «երկուսն էլ գոլ կխփեն» տարբերակը:
«Տոտենհեմը» երեք օր անց կրկին կընդունի «Լեսթերին»: Ընթացիկ մրցաշրջանի բացահայտում դարձած «աղվեսները» նախորդ գավաթային խաղում մոտ էին կամային հաղթանակի, բայց վերջին րոպեներին 11 մետրանոցի պատճառով բաց թողեցին անչափ կարեւոր հաղթանակը: Այս թիմերի վերջին երկու հանդիպումները ոչ-ոքի են ավարտվել: Չեմ բացառում, որ խաղաղ ելքով խաղերի շարքը կավելանա մեկով: Բայց ապահովության համար այստեղ նույնպես ընտրում եմ «երկու թիմերն էլ գոլ կխփեն» խաղադրույքը: Կասկածի տակ է Ջեյմի Վարդիի մասնակցությունը, բայց անգամ Ռիյադ Մահրեզը ամեն ինչ կանի գոնե մեկ գոլ խփելու համար: Դե իսկ տանտերերի կազմում կան Հարի Քեյն եւ Քրիստիան Էրիքսեն, որոնք պարտավոր են գոնե մեկ հաջող գրոհ կազմակերպել:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: