Անգլիա – Ֆրանսիա: Էռնեստ Շաբոյանի կանխատեսումը

Մինչև Մունդիալը շատերն էին քննադատում Գարեթ Սաութգեյթին ձանձրալի ֆուտբոլ խաղալու համար: Բայց այս մրցաշարում Անգլիան գոլ բաց է թողել միայն Իրանից, սակայն խփել է 12-ը:

Ամեն դեպքում, «Երեք առյուծների» ճանապարհին մինչև այս փուլը լուրջ մրցակից չի հայտնվել: Դա չի նշանակում, որ կարելի է թերագնահատել բրիտանացիներին, բայց սա կարող է բացասական ազդեցություն ունենալ: Իհարկե, ենթադրությունները ենթադրություններով, բայց ամեն ինչ որոշվում է խաղադաշտում: Ճիշտ է, Անգլիան շատ հզոր է, սակայն մենք տեսանք, թե ինչ տեղի ունեցավ գլխավոր ֆավորիտ Բրազիլիայի հետ:

Սաութգեյթի «ոսկե երիտասարդները» ձեռնունայն մնացին Եվրոյում և այժմ քաղցած են: Անգլիան ևս մեկ առավելություն ունի Ֆրանսիայի նկատմամբ՝ երկար պահեստային նստարանն ու կազմի խորությունը:

Ֆրանսիան այս առումով վիրավոր է: Մրցաշարից առաջ խաղից դուրս մնաց Բենզեման, առաջին տուրում վնասվածք ստացավ Էրնանդեսը, չմոռանանք Նկունկուին: Բայց այստեղ էլ կատարողների պակաս չի զգացվում: Առջևի գծում ֆանտաստիկ խաղ է ցուցադրում Կիլիան Մբապեն: Հենց նա է Դիդյե Դեշամի ատոմային ռումբը:

Անգլիական շտաբը մոտավորապես 2 տարի մեթոդներ է մշակում Մբապեին վնասազերծելու համար: Եվ այդ օրը եկավ: Թե ինչպես են բրիտանացիները պատրաստվում չեզոքացնել Կիլիանին, կտեսնենք խաղադաշտում:

Այստեղ դժվար է ֆավորիտ գտնելը: Բայց վառ և դիտարժան ֆուտբոլ եմ սպասում:

Ընտրում եմ խաղի գոլերի տոտալը 2.5-ից շատ խաղադրույքը:

Բոնուսներ և բուքմեյքերների պրոմոկոդեր