Ամերիկայի գավաթի չեմպիոնի կանխատեսում. Արգենտինան և Չիլին կրկին ֆավորիտ են
Ի տարբերություն նախորդ տարի Չիլիում կայացած խաղարկությանը՝ 2016-ին մասնակից թիմերից վառ ընդգծված, բացահայտ ֆավորիտի առանձնացնել չի կարելի: Առաջիկա Կոպա Ամերիկային լավագույններն ամենաօպտիմալ կազմերով չեն ներկայացել: Հարավամերիկյան թոփ-3 թիմերը՝ Արգենտինան, Բրազիլիան և Ուրուգվայը շատ ջանք պետք է թափեն, որպեսզի կարողանան այս տարի հավակնել գավաթին: Վերիջվերջո, նրանց առաջ արգելք կարող է հանդիսանալ առաջնության գործող գավաթակիր Չիլիի ընտրանին, ինչպես նաև տանտեր ԱՄՆ-ն, Կոլումբիան, ինչու ոչ՝ Կոստա-Ռիկան: Մյուս կողմից էլ՝ այս տարվա առաջնությունը հոբելյանական է և ինչ-որ տեղ կարելի է պաշտոնական չհամարել, քանի որ հաղթողը Կոնֆեդերացիաների գավաթի խաղարկությանը մասնակցելու իրավունք չի ստանալու (2017-ին հանդես է գալու Չիլին):
Եթե փորձենք նախնական հաշվարկներ անել՝ ո՞ր խմբից թիմերը ո՞ր տեղով դուրս կգան հաջորդ փուլ, ինչպիսին կստացվի փլեյ-օֆֆը, ապա լավագույն ճանապարհը D խմբում առաջին տեղը գրաված թիմինն է: Իսկ դա նշանակում է, որ չեմպիոնական տիտղոսը նվաճելու ֆավորիտները նորից Արգենտինան և Չիլին են: Նրանց կարող է խանգարել Ուրուգվայի ընտրանին, որը նորից զինվել է Լուիս Սուարեսով և պատրաստ է գոլահարել մրցակիցների դարպասները: Առաջիկա Կոպա Ամերիկայի վերաբերյալ կանխատեսումներիս մասին ավելի հստակ պատկերացում կարելի է կազմել այստեղ:
Հաշվի առնելով թիմերի կազմերը, փլեյ-օֆֆ փուլում թիմերի հավանական դասավորվածությունը, վերջին խաղերում ֆավորիտների գրանցած արդյունքները՝ ամենահավանական եզրափակիչներն եմ համարում Արգենտինա — Չիլին և Արգենտինա — Ուրուգվայը: Երկու դեպքում էլ նախապատվությունը տալիս եմ Տատա Մարտինոյի թիմին: Գուցե երկրորդ փորձից ստացվի:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: