Ամենօրյա էքսպրեսս. «Յունայթեդը» չի պարտվի «Լեսթերին», «Սաութհեմփթոնը» եւ «Սիթին» կփոխանակվեն գոլերով
«Սասուոլո» — «Վերոնա»
«Վերոնան» արդեն դուրս է մնացել Ա Սերիայից եւ պայքարելու ոչ մի շարժառիթ չունի: Ինչ վերաբերում է տանտերերին, ապա նրանք յոթերորդ հորիզոնականում են, մեկ միավոր են զիջում հարեւան «Միլանին»: Ճիշտ է՝ թիմը եվրագավաթի ուղեգիր չի կարողանա նվաճել, բայց փոխարենը հավակնոտ ֆուտբոլը այս մրցաշրջանում տվեց իր պտուղները:
Տանտերերից խաղը բաց կթողնեն վնասվածք ստացած Անտեին, Միսիրոլին, Լարիբին, Տերանովան, Դեֆրելը, Բիոնդինին եւ որակազրկված Պելուսոն: Վերոնացիներից հանդիպմանը չեն մասնակցի Ֆարեսը, Պացինին եւ Լուկա Տոնին:
Հաշվի առնելով, որ «Սասուոլոն» լավ մրցաշրջան է անցկացնում, իսկ մրցակիցը մոտիվացիա չունի՝ ընտրում եմ «Տանտերերի հաղթանակ» խաղադրույքը:
«Մանչեսթեր Յունայթեդ» — «Լեսթեր»
Չեմպիոն հռչակվելու համար «աղվեսները» պետք է հաղթեն վերջին երեք խաղերից ընդամենը մեկում: Առաջիկա մրցակիցը «Մանչեսթեր Յունայթեդն» է, որը պայքարում է Եվրոպա լիգայի ուղեգրի համար:
Տանտերերից կբացակայեն Շվայնշտայգերը, Լյուք Շոուն, Ֆիլ Ջոնսն ու Ադնան Յանուզայը: Կլաուդիո Ռանյերին չի կարողանա խաղադաշտ դուրս բերել որակազրկված Ջեյմի Վարդիին:
«Յունայթեդը» հաղթել է ԱՊԼ-ի վերջին վեց տնային խաղերում՝ դրանցից չորսում սեփական դարպասը պահելով անառիկ: «Լեսթերն» էլ իր հերթին չի պարտվել վերջին 7 խաղերից վեցում՝ աչքի ընկնելով նաեւ անանցանելի պաշտպանությամբ: Քանի որ «ՄՅՈւ»-ի լավագույն ֆուտբոլիստներն արդեն կազմ-պատրաստ են, իսկ Եվրոպա լիգայի ուղեգիրը դեռ պետք է ամրագրել, կարծում եմ, որ թիմը նվազագույնը չի պարտվի:
«Սաութհեմփթոն» — «Մանչեսթեր Սիթի»
Այստեղ ամեն ինչ շատ կանխատեսելի է թվում: «Քաղաքաբնակներին» բացարձակ չի հետաքրքրի «սրբերի» դեմ խաղը, քանի որ մի քանի օր անց պետք է Մադրիդում Չեմպիոնների լիգայի եզրափակչի ուղեգիր խաղարկեն «Ռեալի» հետ:
Խաղին չեն մասնակցի տանտերերի խաղացող Չառլի Օսթինը, իսկ հյուրերից՝ Դավիդ Սիլվան եւ Յայա Տուրեն:
Այս խաղից առաջ վիճակագրությանը հայացք գցելն ավելորդ եմ համարում: «Սիթին» ուժեր կխնայի, իսկ մրցակիցը կօգտվի դրանից: Գուցե «կապույտները» հաղթեն, բայց անպայման բաց կթողնեն: «Երկուսն էլ գոլ կխփեն»-ը տրամաբանական տարբերակ է:
«Վալենսիա» — «Վիլյառեալ»
Նույն վիճակը նաեւ «Վիլյառեալի» մոտ է: Ոչնչի համար չպայքարող «դեղին սուզանավի» ողջ ուշադրությունը հինգշաբթի օրը «Էնֆիլդում» կայանալիք «Լիվերպուլի» դեմ խաղի վրա է: Իսկ «չղջիկները» Գարի Նեւիլի հեռացումից հետո զարմացնում են ու բավական հաջող ֆուտբոլ ցուցադրում:
Տանտերերից՝ Զաքարիա Բակալին եւ Խոսե Գայան, հյուրերից՝ Լեո Բապտիստաոն եւ Էրիկ Բային չեն մասնակցի խաղին:
«Վիլյառեալի» դեմ վերջին 7 տնային խաղերից հինգում «չղջիկները» սեփական դարպասն անառիկ են պահել, ինչպես նաեւ ութ խաղ անընդմեջ չեն պարտվել «դեղին սուզանավին»: Նախորդ չորս խաղերում «Վալենսիան» նվազագույնը 2 գոլ է խփել:
Կարծում եմ՝ այս խաղում առավելությունը կլինի տանտերերի կողմը, որոնք կհաղթեն խաղակեսերից գոնե մեկում:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: