Ամենօրյա էքսպրեսս. Խաղում ենք 6,79 գործակցով
«Բոլոնյա» — «Յուվենթուս»
Թուրինցիները «Բավարիայի» դեմ ՉԼ-ի տնային հանդիպումից առաջ ուղևորվում են Բոլոնյա: Թիմերի միջև առաջին շրջանում կայացած հանդիպումն ավարտվել է Իտալիայի չեմպիոնի 3:1 հաշվով հաղթանակով: «Յուվենթուսը» Ա Սերիայում ֆանտաստիկ ընթացք է հավաքել: Անհաջող մեկնարկից հետո Ալեգրիի սաները միայն հաղթանակներ են տանում, բայց այս հանդիպումը տարբերվում է մյուսներից: «Բիանկոներիները» կփորձեն ուժեր խնայելով հաղթանակի հասնել: Կասկածից վեր է, որ նրանք մտապահելու են «Բավարիայի» դեմ կարևոր խաղը: Պոգբան և Դիբալան հրաշալի մարզավիճակում են: Պետք է նաև նշել, որ հյուրերը մեծ կորուստներով են մոտենում այս խաղին: Կասերեսը, Մանջուկիչը, Կյելինին, Խեդիրան և Ալեքս Սանդրոն վնասվածքների պատճառով չեն կարող օգնել իրենց թիմին:
Ինչ վերաբերում է «Բոլոնյային», ապա թիմն ընթանում է 10-րդ հորիզոնականում: Տանտերերն՝ ի տարբերություն «Յուվեի», խաղից առաջ ընդամենը 1 կորուստ ունեն՝ պաշտպան Լուկա Ռոսետինին:
Հաշվի առնելով «Յուվենթուսի» բարձր կարգը, «Բավարիայի» դեմ գալիք բարդ հանդիպումը, ինչպես նաև «Բոլոնյայի» անկայուն խաղը, 2.12 գործակցով առաջարկում եմ ««Յուվենթուսի» հաղթանակ և ՏՔ 3.5 գոլ» տարբերակը:
«Լևանտե» — «Խետաֆե»
Լա լիգայի ետնապահը կհյուրընկալի «Խետաֆեին»: Եթե «Լևանտեն» ցանկանում է պահպանել տեղը ուժեղագույնների խմբում, ապա պետք է սեփական դաշտում փորձի հաղթել «Խետաֆեին», որը ամենաուժեղ մրցակիցը չէ: Վալենսիացիները «Սյուտատ դե Վալենսիա» մարզադաշտում բավական արդյունավետ են գործում: Հատկանշական է, որ գրեթե բոլոր տնային խաղերում Ռուբիի սաները գոլ են ընդունում սեփական դարպասը: Ավելին, տանտերերի կազմում Խոսե Մարին, Պեդրո Լոպեսն ու Իվան Լոպեսն վնասվածքի պատճառով չեն մասնակցի առաջիկա հանդիպմանը, ինչը շատ կթուլացնի «Լևանտեի» պաշտպանությունը: Հարձակվողական ոճի կիսապաշտպան Ռուբեն Գարսիան նույնպես բաց կթողնի մադրիդցիների դեմ խաղը:
«Խետաֆեն»՝ ի տարբերություն մրցակցի, ուժեղագույնների խումբը լքելու վտանգի տակ չէ, բայց եվրագավաթներում հայտնվելու շանսեր էլ չունի:
Հաշվի առնելով «Խետաֆեի» ավելի լավ մարզավիճակը, «Լևանտեի» պաշտպանության խնդիրներն ու հարազատ երկրպագուների աջակցությունը, կարծում եմ, որ իսպանական միջակները կփոխանակվեն գոլերով: 1,93 գործակցով առաջարկում եմ «երկուսն էլ կխփեն» խաղադրույքը:
«Այնտրախտ Ֆրանկֆուրտ» — «Համբուրգ»
Ֆրանկֆուրտում Գերմանիայի առաջնության 22-րդ տուրի շրջանակներում տեղի «Այնտրախտը» կընդունի «Համբուրգին»: Այստեղ կրկին գործ ունենք գերմանական միջակ թիմերի հետ: Համբուրգցիները նախորդ տարի մի կերպ տեղը պահպանեցին Բունդեսլիգայում և այս մրցաշրջանում՝ համեմատած նախորդի, ավելի լավ են հանդես գալիս: Բրունո Լաբադիայի սաները 21 տուրերից հետո 11-րդ հորիզոնականում են:
Ինչ վերաբերում է տանտերերին, ապա «Այնտրախտը» 21 միավորով ընթանում է մրցաշարային աղյուսակի 15-րդ հորիզոնականում: Ե՛վ հյուրերը, և՛ տանտերերը շատ են բաց թողնում: Բունդեսլիգայի ընթացիկ մրցաշրջանում կայացած 21 խաղերում ֆրանկֆուրտցիները բաց են թողել 37, իսկ համբուրգցիները՝ 30 գնդակ: Հատկանշական է, որ 15-րդ հորիզոնականում ընթացող «Այնտրախտը» համբուրգցիներից շատ է գոլ խփել (27-25): Առաջին շրջանում կայացած հանդիպումը ավարտվել է 0:0 հաշվով: Դրանից առաջ կայացած 2 խաղերում թիմերը փոխանակվել են գոլերով և մեկական անգամ 2:1 հաշվով հաղթանակ տարել:
Հաշվի առնելով մրցակիցների կարգերի հավասարությունն ու անվստահ խաղը պաշտպանությունում, առաջարկում եմ «երկուսն էլ կխփեն» տարբերակը: Թիմերի միջև կայացած խաղերի մեծ մասում այն աշխատել է: Գործակիցը 1,66 է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: