Ամենօրյա էքսպրեսս. Լեհաստանը, Իտալիան ու Իսլանդիան հաղթանակներ կտանեն
Լեհաստան — Լիտվա
Սա Լեհաստանի վերջին ստուգողական հանդիպումն է Եվրո-2016-ի մեկնարկից առաջ: Լեհերը նախորդ խաղում պարտվեցին հոլանդացիներին և ընդհատեցին 5 անընդմեջ հաղթանակների շարքը: Մյուս կողմից, այդ պարտությունը կարող է դրականորեն ազդել լեհերի վրա, քանզի այդքան էլ լավ չէ, երբ խոշոր մրցաշարից առաջ այդպես իրար հետևից հաղթանակներ ես տանում: Պետք էր կանգ առնել և դա եղավ Հոլանդիայի հավաքականի հետ խաղում:
Այժմ պետք է հաղթել Լիտվայի հավաքականին ու բարձր տրամադրությամբ մեկնել Ֆրանսիա: Լիտվացիները հիմա իրենց լավագույն ժամանակահատվածը չեն անցկացնում, վերջին 5 խաղերում 4 պարտություն են կրել: Կարծում եմ, որ Ռոբերտ Լեվանդովսկին և խաղընկերները վստահ հաղթանակ կտանեն: Այդ պատճառով այս խաղի համար ընտրում եմ Լեհաստանի (-1,5) ֆորայով հաղթանակը: Գործակիցը 1,73 է:
Իտալիա — Ֆինլանդիա
Հավաքականի հետ Անտոնիո Կոնտեի առաջին ու վերջին խոշոր մրցաշարը: Եվրոպայի առաջնության ավարտից հետո իտալացի մասնագետը գլխավորելու է «Չելսին»: Բայց այժմ պետք է կենտրոնանալ հավաքականի վրա: Վերջին փորձը Եվրոպայի առաջնության մեկնարկից առաջ: Ամենայն հավանականությամբ, իտալացիները կխաղան այն կազմով, որով խաղալու են Եվրո-2016-ում:
Շոտլանդիայի հետ խաղում պարզ երևաց, որ Եվրոպայի առաջնությունում Կոնտեի թիմի պաշտպանությունը բաղկացած է լինելու բացառապես «Յուվենթուսի» ֆուտբոլիստներից: Դարպասում կլինի Բուֆֆոնը, իսկ կենտրոնում կգործի Բոնուչի-Կյելինի-Բարցալյի եռյակը: Մրցաշրջանի հատկապես երկրորդ կեսում այս տղաները փայլուն ֆուտբոլ ցուցադրեցին և եղավ ժամանակ, երբ «Յուվեն» առաջնությունում ընդհանրապես գոլ բաց չէր թողնում, իսկ Բուֆֆոնը սահմանեց ռեկորդ` 929 րոպե անառիկ պահելով սեփական դարպասը: Ֆինլանդիան իր հերթին վերջին 5 խաղերում ընդամենը մեկ գոլ է խփել: Իտալիան կցանկանա բարձր տրամադրությամբ մեկնել Ֆրանսիա և նրանց համար խնդիր չի լինի մեկ-երկու գոլ խփել վերջին 7 խաղերում մշտապես գոլ բաց թողած Ֆինլանդիային, հետևաբար այս խաղում կընտրեմ Իտալիայի «չոր» հաշվով հաղթանակը:
Իսլանդիա — Լիխտենշտեյն
Ընտրական փուլում Եվրոպային ցնցած Իսլանդիան այնքան էլ լավ վիճակով չի մոտենում Եվրոպայի առաջնությանը: Վերջին 9 հանդիպումներում իսլանդացիները 7 պարտություն են կրել: Նախորդ ընկերական խաղում նրանք 2:3 հաշվով պարտվեցին Նորվեգիայի հավաքականին:
Այժմ վերջին հանդիպումն է Պորտուգալիայի հավաքականի հետ պաշտոնական հանդիպումից առաջ: Պետք է վստահ հաղթանակ տանել, որպեսզի մոռացվեն նախորդ պարտությունները: Դրա համար ճիշտ մրցակից է ընտրված: Գաճաճ հավաքական համարվող Լիխտենշտեյնը դժվար թե կարողանա դիմադրություն ցույց տալ իսլանդացիներին: Իսլանդիան բոլոր առումներով ուժեղ է և պետք է պարզապես վստահ հաղթանակ տանի: Այդ պատճառով ենթադրում եմ, որ իսլանդացիները երկու խաղակեսերում էլ հաղթանակ կտանեն: Գործակիցը 1,80 է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: