Ամենօրյա էքսպրեսս. Գոլառատ խաղ «Նոու Կամպում», «Ռոման» եւ «Ֆրոզինոնեն» կփոխանակվեն գոլերով
Դորտմունդի «Բորուսիան» Բունդեսլիգայի երկրորդ շրջանը հիանալի սկսեց: Հյուրընկալվելիս 3:1 հաշվով հաղթելով Մյունխենգլադբախի «Բորուսիային»՝ Թոմաս Տուխելի թիմը ամրապնդվեց երկրորդ հորիզոնականում: 19-րդ տուրում «մեղուների» մրցակիցը աղյուսակի միջնամասում գտնվող «Ինգոլշտադտն» է: Այս թիմերը հանդիպել էին նախորդ տարվա օգոստոսին: «Բորուսիան» ջախջախել էր մրցակցին խոշոր 4:0 հաշվով: Կարծում եմ՝ այսօր Թոմաս Տուխելի թիմը ոչ մի շանս չի տա «Ինգոլշտադտին»՝ հաղթելով նվազագույնը երկու գոլի տարբերությամբ:
Իսպանիայում կայանալու է, թերեւս, մրցաշրջանի կարեւորագույն հանդիպումներից մեկը: Հավասար միավորներ ունեցող «Բարսան» եւ «Աթլետիկոն» ուժերն են չափելու «Նոու Կամպում»: Տանտերերը ֆանտաստիկ մրցաշրջան են անցկացնում եւ գտնվում են հիանալի մարզավիճակում: Լուիս Էնրիկեի թիմը վերջին 25 խաղերում չի պարտվել: Սեփական հարկի տակ «Բարսային» վերջին անգամ հաղթել է «Մալագան»՝ նախորդ տարվա փետրվարի 21-ին: Ինչ վերաբերում է այս թիմերի դիմակայությանը՝ «աթլետները» «Նոու Կամպում» վերջին հաջողությունը գրանցել են 2006 թվականին՝ հաղթելով 3:1 հաշվով: Ըստ իս՝ առաջիկա խաղը արդյունավետ կստացվի, ամենահավանական հաշիվը 2:1-ն է, այդ պատճառով էլ ընտրենք ՏՇ 2.5 գոլ խաղադրույքը:
«Ռոման» նորանշանակ մարզիչ Սպալետտիի գլխավորությամբ կընդունի առաջնության աութսայդերներից մեկին՝ «Ֆրոզինոնեին»: Տանտերերը սեփական հարկի տակ այս տարի անցկացրած երկու խաղերն էլ ավարտել են նույն՝ 1:1 հաշվով: Վերջին չորս խաղերում ընդամենը չորս միավոր վաստակած «գայլերը» մի փոքր նահանջել են մրցաշարային աղյուսակում եւ այժմ հինգերորդն են: «Ֆրոզինոնեն» իր հերթին Ա Սերիայի այս մրցաշրջանում հյուրընկալվելիս վաստակել է ընդամենը երկու միավոր: Այնուամենայնիվ, հյուրերը շատ բաց թողնելուն զուգահեռ գոնե մեկ գոլ խփել հիմնականում կարողանում են, իսկ «Ռոման» շատ է բաց թողնում: Կարծում եմ՝ այս խաղում երկու թիմերին էլ կհաջողվի դառնալ գոլի հեղինակ:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: