Ամենօրյա էքսպրեսս. «Բորուսիան» կհաղթի «Տոտենհեմին», «Լիվերպուլը»՝ «Յունայթեդին»
«Բորուսիա» — «Տոտենհեմ»
Բունդեսլիգայի շրջանակներում Մյունխենի «Բավարիայի» հետ տանը ոչ-ոքի խաղալուց հետո (0:0) Թոմաս Տուխելի թիմը կընդունի «Տոտենհեմին»: Անգլիական ակումբը նույնպես նախորդ տուրում հանդիպել էր առաջնության ֆավորիտներից մեկին՝ «Արսենալին», եւ խաղն ավարտվել մարտական ոչ-ոքի (2:2):
«Բորուսիան» գտնվում է հիանալի մարզավիճակում, ինչի մասին խոսում է վերջին 15 խաղում ընդամենը 2 ոչ-ոքի եւ 13 հաղթանակ գրանցելու փաստը: Լոնդոնցիներն իրենց հերթին վերջերս հաճախ են դաշտն առանց հաղթանակի լքում. բոլոր մրցաշարերի նախորդ վեց խաղերում երկուական հաղթանակ, ոչ-ոքի եւ պարտություն:
Տանտերերից խաղը բաց կթողնի միայն Սոկրատիսը: Հյուրերին չեն օգնի Յան Վերտոնգենը, Քլինթոն Ն՛Ջիեն, Դենի Ռոուզը եւ որակազրկված Դելե Ալին:
Հարկ է նշել, որ ընթացիկ մրցաշրջանում «Բորուսիան» սեփական դաշտում ընդամենը մեկ անգամ է պարտվել (ՊԱՕԿ-ին՝ 0:1):
Հաշվի առնելով այս ամենը՝ ընտրում եմ «տանտերերի հաղթանակ» խաղադրույքը:
«Վիլյառեալ» — «Բայեր»
«Դեղին սուզանավը» վերջին 11 խաղերից տասում չի պարտվել: Նախորդ տուրում թիմը սեփական հարկի տակ երեք միավոր շնորհեց «Լաս-Պալմասին»: Մարսելինո Գարսիայի ֆուտբոլիստները սեփական հարկի տակ անցկացրախ վերջին 13 խաղերից երկուսում պարտվել են, իսկ մնացած խաղերում կարողացել են ոչ միայն անառիկ պահել սեփական դարպասը, այլ 33 հնարավորիս վաստակել 31 միավոր:
Առաջիկա խաղը բաց կթողնեն իսպանական թիմի ֆուտբոլիստներ Ջյովանի Դոս Սանթոսն ու Սամուելը: Հյուրերից չեն խաղա Կիրիակոս Պապադոպուլոսը, Կեւին Կամպլը, Լարս Բենդերը, Ռոբերտո Հիլբերտը եւ Չարլես Արանգիսը:
«Բայերում» ճգնաժամ է նկատվում: Նախորդ հինգ խաղերից թիմը հաղթել է միայն մեկում (երեք պարտություն, մեկ ոչ-ոքի): Ավելին՝ այդ հանդիպումներում «ասպիրինայինները» 14 գնդակ են բաց թողել:
Հետաքրքիր է, որ «Վիլյառեալը» Եվրոպա լիգայի վերջին յոթ խաղերում անպարտելի է:
Հաշվի առնելով «դեղին սուզանավի» քիչ գոլ խփելու «բնավորությունը», «Բայերի» վատ մարզավիճակը, ընտրում եմ ՏՔ 2.5 գոլ խաղադրույքը:
«Լիվերպուլ» — «Մանչեսթեր Յունայթեդ»
Այս մրցաշրջանում «Լիվերպուլը» Եվրոպա լիգայում ոչ մի պարտություն չի կրել: Հիմնականում ունենալով կադրային լուրջ կորուստներ՝ Յուրգեն Կլոպի թիմը կարողանում էր խաղերն ավարտել դրական արդյունքով: Մերսիսայդցիներն արդեն վեց խաղ անընդմեջ պարտություն չեն կրել՝ այդ ընթացքում ԱՊԼ-ում տանելով երեք անընդմեջ հաղթանակ («Ասթոն Վիլայ», «Ման.Սիթիի», «Քրիստալ Փելասի» նկատմամբ):
Հյուրերը չորս օր առաջ ընդհատեցին իրենց հաղթարշավը՝ հյուրընկալվելիս նվազագույն հաշվով պարտվելով «Վեսթ Բրոմին»: Դրանից առաջ «կարմիր սատանաները» 4 անընդմեջ հաղթանակ էին տոնել:
Հատկանշական է, որ այս թիմերն իրենց դարավոր պատմության մեջ առաջին անգամ կհանդիպեն եվրագավաթի շրջանակներում: Նախորդ հինգ խաղերում «Լիվերպուլը» պարտվել է «ՄՅՈւ»-ին:
Ինչ վերաբերում է վնասվածք ստացած ֆուտբոլիստներին, ապա Յուրգեն Կլոպի վիճակն ավելի հաջող է: Խաղը բաց կթողնեն Ջո Ալենը, Ջո Գոմեսը, Դենի Ինգզը Կեւին Սթյուարթը եւ Բրանագանը: Հյուրերից չեն խաղա Ուեյն Ռունին, Լյուք Շոուն, Էշլի Յանգը, Ֆիլ Ջոնսը, Ադնան Յանուզայը, Բաստիան Շվայնշտայգերը եւ որակազրկված Խեսե Լինգարդը:
Բացի այդ, «Լիվերը» Եվրոպա լիգայի վերջին երեք խաղերում սեփական դարպասն անառիկ է պահել:
Հաշվի առնելով տանտերերի հիանալի մարզավիճակը, հյուրերի կադրային լուրջ կորուստները՝ ընտրում եմ «տանտերերի հաղթանակ» խաղադրույքը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: