Ամենօրյա էքսպրեսս. «Բավարիան» մրցակցի հարցերը կլուծի առաջին կեսում, «Վալենսիան» կրկին չի հաղթի
Գարի Նեւիլի գլխավորությամբ «Վալենսիան» Պրիմերայում ոչ մի հաղթանակ չի տարել. միայն պարտություն եւ ոչ-ոքիներ: Մրցակիցն այս անգամ Խիխոնի «Սպորտինգն» է, որը նախորդ տուրում խոշոր 5:1 հաշվով ջախջախեց «Ռեալ Սոսյեդադին»: Կարծում եմ՝ առաջիկա խաղը նույնպես «չղջիկների» համար հաղթանակով չի ավարտվի:
Գուս Հիդինկի գլխավորությամբ «Չելսին» կամաց-կամաց բարելավում է եւ՛ խաղը, եւ՛ արդյունքները: Պրեմիեր լիգայի նախորդ տուրում «ազնվականները» հաղթեցին առաջատար «Արսենալին»: Գավաթի խաղարկության 1/16 եզրափակչում «կապույտների» մրցակիցը Չեմպիոնշիփի ներկայացուցիչ «Միլթոն Քեյնս Դոնսն» է: 2004 թվականին հիմնադրված թիմը դժվար թե կարողանա պայքարել մի թիմի դեմ, որը անհաջող էր մեկնարկել այս մրցաշրջանում եւ ամեն ինչ անում է երկրպագուներին ուրախացնելու, դրական արդյունքներ գրանցելու համար: Այդ պատճառով ակնկալում եմ գոլառատ ֆուտբոլ եւ «Չելսիի» հաղթանակ:
Իսկ «Բավարիան» կընդունի առաջնության աութսայդերներից մեկին՝ «Հոֆենհայմին»: Տանտերերը խաղին մոտենալու են բավական մեծ կորուստներով, բայց դա դեռ չի նշանակում, որ հյուրերը միավոր վաստակելու շանս ունեն: Պեպ Գվարդիոլայի թիմն այս մրցաշրջանում բոլոր մրցաշարերում սեփական հարկի տակ ոչ մի միավոր չի կորցրել: Ավելին՝ 13 խաղում խփել է 47 գոլ եւ բաց թողել ընդամենը չորսը: Կարծում եմ՝ այսօր «Բավարիան» առաջին խաղակեսում հաշվի մեջ առջեւում կլինի նվազագույնը մեկ գոլի տարբերությամբ:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: