Ամենօրյա էքսպրեսս. «Բարսան», «Ֆիորենտինան» եւ «Արսենալը» վստահ հաղթանակներ կտոնեն
«Արսենալը» վերջին յոթ հանդիպումներից վեցում հաղթել է: Արսեն Վենգերի թիմը լավ թափ է հավաքել և ԱՊԼ-ի միանձնյա առաջատարն է: «Սանդերլենդի» համար վերջին խաղերը անհաջող են դասավորվել. նախորդ վեց հանդիպումներում թիմը 14 գնդակ է ընդունել սեփական դարպասը: Սակայն սա գավաթային հանդիպում է, և սխալ կլինի «Արսենալին» միանշանակ ֆավորիտ համարել: Այդուհանդերձ, ֆուտբոլիստների մակարդակների տարբերությունը շատ մեծ է. կարծում ենք՝ (-1,5) ֆորայով «Արսենալի» հաղթանակը այս հանդիպման համար լավ տարբերակ է:
Հաջորդ խաղը, որին կանդրադառնանք, Իսպանիայի առաջնության «Բարսելոնա» — «Գրանադա» հանդիպումն է: Կարիք չկա նշել, թե ով է այս դիմակայության բացահայտ ֆավորիտը: «Կամպ Նոու» ստադիոնում կատալոնացիները պարտավոր են վստահ հաղթանակ տոնել: Թիմերը գտնվում են մրցաշարային աղյուսակի հակադիր բևեռներում: «Գրանադան» ամեն կերպ փորձում է չհայտնվել վտանգավոր գոտում, իսկ «Բարսելոնան» երկրորդն է, չնայած առաջատար «Աթլետիկոյից» 1 խաղ պակաս է անցկացրել: Գոլառատ հանդիպում է սպասվում: Կարծում ենք՝ «Բարսելոնան» խոշոր հաշվով հաղթանակ է տոնելու: Լուիս Էնրիկեի թիմը իրավունք չունի այս խաղում միավորներ կորցնել, իսկ «Գրանադան» Բարսելոնա է ժամանել հստակ գիտակցելով, որ շանսեր չունի: Մեսսին և ընկերները մի լավ կուրախացնեն «Նոու Կամպում» հավաքված բազմահազար երկրպագուներին: Մի խոսքով, առաջարկում ենք ««Բարսելոնայի» հաղթանակ և ՏՇ 3,5 գոլ» խաղադրույքը:
«Ֆիորենտինա» — «Լացիո». «Մանուշակներն» այս մրցաշրջանում տանը հրաշալի ելույթներ են ունենում եւ «Նապոլիից» հետո համարվում են Իտալիայի լավագույն տնային թիմը, իսկ «Լացիոն» ընդհակառակը՝ խայտառակ ելույթներ է ունենում դրսում, եւ ընդհանրապես, թիմի գլխավոր մարզիչ Ստեֆանո Պիոլին մոտ է պաշտոնը լքելուն: Բացի այդ, «Ֆիորենտինան» ընթանում է երկրորդ հորիզոնականում եւ ընդամենը մեկ միավորով է զիջում առաջատար «Ինտերին»: Այս ամենը հաշվի առնելով՝ այս խաղում կարելի է ընտրել պարզապես «Ֆիորենտինայի» հաղթանակը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: