Ամենօրյա էքսպրեսս. «Արսենալն» առաջին խաղակեսում կգրավի «Բավարիայի» դարպասը, Ռոնալդուն կընդհատի գոլային երաշտը Չեմպիոնների լիգայում
«Արսենալ» — «Բավարիա»
Այս դիմակայությունում ամեն ինչ պարզ է: Ներկայիս «Արսենալը» չի կարող առաջին խաղում 1:5 հաշվով պարտվելուց հետո երկրորդում հրաշք գործել ու անցնել «Բավարիային»: Այստեղ ուղղակի Վենգերը և նրա ֆուտբոլիստները խաղալու են իրենց արժանապատվության համար: Նրանք կուզենան ցույց տալ, որ այդքան թույլ չեն գերմանական ակումբից:
«Բավարիան», իհարկե, առաջին խաղում գրանցված արդյունքից հետո Լոնդոնում շատ ջանք ու եռանդ չի թափի, ոչ այդքան հիմնական կազմը դուրս կբերի, քանզի մրցաշրջանը երկար է, պետք է մտածել նաև հաջորդ խաղերի մասին: Բացի այդ, հանդիպումը բաց կթողնեն պաշտպանության երկու առանցքային ֆուտբոլիստները՝ Ժերոմ Բոատենգը և Ֆիլիպ Լամը: Հարցականի տակ է Դուգլաս Կոստայի և Ռենատո Սանչեշի մասնակցությունը:
«Արսենալի» կազմում խաղին չեն կարողանա մասնակցել Սանտի Կասորլան, Մոհամեդ Էլ-Նենին և Մեսութ Օզիլը: Կարելի է առանձնացնել հատկապես վերջինիս բացակայությունը, բայց, ճշմարտության համար, պետք է ասել, որ Գերմանիայի հավաքականի ֆուտբոլիստը վերջին ամիսներին չի ցուցադրում այն մակարդակի ֆուտբոլը, որին մենք սովոր էինք տեսնել: Ընդհանուր առմամբ, Լոնդոնում դժգոհ են Օզիլից և բացառված չէ, որ արդեն առաջիկա ամռանը նա հեռանա «Արսենալից»: Սակայն սա պատվի խաղ է, և չնայած Վենգերի ու թիմի առաջատար Սանչեսի միջև ընդհարմանը, կարծում եմ, որ լոնդոնցիներն արժանապատիվ ֆուտբոլ կխաղան պատասխան խաղում: Հաշվի առնելով, որ «Բավարիան» առաջին խաղի համեմատ ավելի թույլ կխաղա ու հատկապես պաշտպանական գիծն իր ուժեղ տեսքը չի ունենա, կարելի է ենթադրել, որ «զինագործները» հաջողության կհասնեն: Հավատում եմ տանտերերի առաջին խաղակեսում գոլին: Հյուրերը, եթե գոլ են բաց թողնում այս մրցաշրջանում, ապա ավելի հաճախ առաջին խաղակեսում: Մինչև ընդմիջում բաց են թողել 14 գնդակ, մինչդեռ դրանից հետո՝ 7 գնդակ: Այսպիսի իրավիճակում կարելի է ռիսկի դիմել ու ընտրել «Արսենալի» առաջին խաղակեսում գոլը: Գործակիցը ուղիղ 2 է:
«Նապոլի» — «Ռեալ Մադրիդ»
Ի տարբերություն նախորդ զույգի՝ այս դիմակայությունում դեռևս ինտրիգը պահպանվում է: «Սանտիագո Բեռնաբեուում» կայացած առաջին խաղում «Ռեալը» հաղթել է «Նապոլիին» 3:1 հաշվով: Հաշվի առնելով «Ռեալի» ներկայիս պաշտպանության վիճակը (վերջին 4 խաղերում 8 բաց թողած գնդակ)՝ իտալական ակումբի ուժերի սահմանում է երկու գոլ խփել տանը: Այդ պատճառով էլ «Ռեալն» ամեն կերպ կձգտի գոլ խփել «Սան Պաոլո» մարզադաշտում, որպեսզի զերծ մնա խնդիրներից: Հավատում եմ «Ռեալի» գոլին, և ով, եթե ոչ Կրիշտիանու Ռոնալդուն պետք է հեղինակի այն: Պորտուգալացին չմասնակցեց նախորդ հանգստյան օրերին կայացած «Էյբարի» հետ հանդիպմանը, հիմա թարմ վիճակում է և լի է վճռականությամբ գոլ խփելու, քանի որ Չեմպիոնների լիգայում արդեն 5 խաղ շարունակ աչքի չի ընկնում: Բացի այդ, Ռոնալդուն հեռակա մրցակցության մեջ է Լիոնել Մեսսիի հետ Չեմպիոնների լիգայի բոլոր ժամանակների լավագույն ռմբարկուի համար պայքարում:
«Նապոլիի» պաշտպանությունը ևս կատարյալ չես համարի: Խնդիրներն ակնհայտ են այդ գծում՝ վերջին 5 խաղերում 8 բաց թողած գնդակ: Հետևաբար 46 խաղ անընդմեջ խաղադաշտից չհեռացող «Ռեալի» գոլի հավանականությունը շատ մեծ է և, ամենայն հավանականությամբ, դա կանի թիմի առաջատարն ու լավագույն ռմբարկուն՝ Կրիշտիանու Ռոնալդուն: Նրա գոլի գործակիցը 1,77 է:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: