Ամենօրյա էքսպրեսս. «Բարսելոնան» կլուծի «Գրանադայի» հարցերը, Մյոնխենգլադբախի «Բորուսիան» կամրապնդվի չորրորդ տեղում
«Գրանադա» — «Բարսելոնա»
Հերթական չեմպիոնական տիտղոսից «Բարսելոնային» բաժանում է 90 րոպե: Պրիմերայի հաջորդ մրցաշրջանում իր տեղն ամրագրած «Գրանադան» առաջիկա խաղում խաղադաշտ դուրս կգա մրցակցին երեք միավոր պարգեւելու համար: Մյուս կողմից՝ տանտերերը կարող են դուրս գալ խաղադաշտ եւ 90 րոպե անդադար պայքարել, վազել, ճակատամարտ տալ մրցակցի հետ, բայց դա դեռ չի նշանակում, որ կկարողանան դրական արդյունքի հասնել: Չմոռանանք, որ մրցակիցը չեմպիոնական տիտղոսի համար պայքարող «Բարսելոնան» է, որին միայն հաղթանակ է անհրաժեշտ:
Վերջին չորս խաղում կատալոնացիները 21 գոլ են խփել՝ անառիկ պահելով սեփական դարպասը: Այս գոլային հրավառությունը պայմանավորված էր դրան նախորդած անհաջող խաղերի շարքով, ինչպես նաեւ թիմի ուրուգվայցի հարձակվող Լուիս Սուարեսի՝ «Ոսկե խաղակոշիկի» համար պայքարով:
Այս ամենը թույլ է տալիս ենթադրել, որ Լուիս Էնրիկեի թիմը դուրս է գալու խաղադաշտ խոշոր հաշվով հաղթանակ տոնելու: Կարելի է սպասել, որ երկու խաղակեսերում էլ նվազագույնը երկու գոլ կխփվի:
«Դարմշտադ» — «Բորուսիա» Մ.
Գրեթե նույն պատկերն է նաեւ Գերմանիայի առաջնության վերջին տուրի «Դարմշտադ» — «Բորուսիա» խաղում, որտեղ տանտերերը մրցաշարային աղյուսակի հետ կապված խնդիրներ չունեն, իսկ հյուրերին մեկ միավոր է անհրաժեշտ Չեմպիոնների լիգայի ուղեգիր պարգեւող չորրորդ հորիզոնականում ամրապնդվելու համար:
Անդրե Շուբերտի թիմը մրցաշրջանի երկրորդ հատվածը հիանալի անցկացրեց ու կարողացավ հայտնվել լավագույն քառյակում: Չնայած դրան, թիմը երկրորդ շրջանի արտագնա եւ ոչ մի խաղում հաղթանակ չի տոնել եւ հյուրընկալվելիս վաստակած միավորներով այս տարի գերազանցում է միայն «Այնթրախտին»: Տանտերերը նույն կերպ են գործում սեփական հարկի տակ: 16 տնային խաղերում թիմը միայն 12 միավոր է վաստակել:
Մրցաշրջանի վերջին հանդիպումն է, թիմերը կարող են խաղաղությամբ բաժանվել՝ լավ տրամադրությամբ արձակուրդի ուղարկելով «Դարմշտադի» երկրպագուներին եւ Չեմպիոնների լիգայի ուղեգիր շնորհելով մյոնխենգլադբախցիներին: Կանխատեսում եմ ոչ-ոքի:
Մի՛ մոռացեք գրանցվել մեր կայքում եւ ներքեւում մասնակցել քվեարկությանը:
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: