«Ալկոյանո» — «Ռեալ Մադրիդ»․ Ալեքսանդր Վիշնևսկու կանխատեսումը
«Ատլետիկին» Իսպանիայի սուպերգավաթի եզրափակիչում պարտվելուց հետո Զինեդին Զիդանը սկսում է պայքարը ևս մեկ տիտղոսի՝ Արքայական գավաթի համար։ Մադրիդյան թիմի առաջին մրցակիցը երրորդ լիգան ներկայացնող «Ալկոյանոն» է Ալկոյա քաղաքից։ Ի դեպ, «Ալկոյանոյի» ու «Ռեալի» միջև առաջնությունում կայացած վերջին խաղում հաղթել է «Ալկոյանոն»։ 1951 թվականին։ Դա այնքան վաղուց էր, որ չէր խաղում անգամ Սերխիո Ռամոսը։
Ի դեպ, Արքայական գավաթը միակ մրցաշարն է, որը «Ռեալը» չի հաղթել Զինեդին Զիդանի գլխավորությամբ։ Այսինքն, Եվրոպա լիգան կամ էլ Կուրսկի նահանգի առաջնությունը «Ռեալը» նույնպես չի հաղթել, բայց միտքը դուք հասկացաք։
Զիդանը Ալկոյ է գնում այսօր եղած գրեթե ամենաուժեղ կազմով։ Բացի վնասվածք ունեցող ֆուտբոլիստներից (Ռամոս, Կարվախալ, Ռոդրիգո) հանգստի հնարավորություն են ստացել Վարանը, Մոդրիչը, նաև տանն է մնացել Էդեգորը, որպեսզի համաձայնության գա իր վարձակալության հետ կապված։ Բայց երրորդ լիգայի թիմի դեմ հյուր են գնալու «Ռեալի» մյուս աստղերը՝ Կրոսը, Կազեմիրոն, Վալվերդեն, Իսկոն, Ազարը, Ասենսիոն, Բենզեման ու անգամ Կուրտուան, թեպետ ավելի հավանական է, որ գավաթում դարպասը կպաշտպանի Լունինը։ «Ռեալի» հայտացուցակում է նաև Վիկտոր Չուստը, ով նույնպես կարող էր ուկրաինական արմատներ ունենալ՝ ելնելով անուն ազգանունից, բայց ո՛չ, նա զտարյուն իսպանացի է։
Մի կողմից խաղամակարդակների տարբերությունը «Ռեալի» ու «Ալկոյանոյի» միջև հսկայական է։ Մյուս կողմից «Ռեալին» պետք է ուղղակի հաջորդ փուլ դուրս գալ, ոչ թե շատ գոլեր խփել։ Ռիսկի կդիմեմ ու խաղադրույք կկատարեմ «Ռեալի» հաղթանակի վրա 2 գնդակի տարբերությամբ։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: