«Այաքս» – ՊՍՎ։ Ռոբերտ Գասպարյանի կանխատեսումը
Նիդերլանդներում 2022-23 մրցաշրջանը մեկնարկում է Սուպերգավաթի թոփ դիմակայությամբ. հոլանդական դասական դիմակայությունում կմրցեն գործող չեմպիոն «Այաքսն» ու գավաթակիր ՊՍՎ-ն։ Այս թիմերը տվյալ մրցանակը վիճարկում էին նաև նախորդ տարի։ Էյնդհովենից ժամանած ֆուտբոլիստներն Ամստերդամում ջախջախեցին «Այաքսին» 4։0 հաշվով։ Փորձենք հասկանալ ուժերի հարաբերակցությունն այս պահի դրությամբ։
Այս ամռանը «Այաքսը» կորցրեց իր չեմպիոնական կազմի մի շարք առաջատարների. Լիսանդրո Մարտինեսը տեղափոխվեց «Մանչեսթեր Յունայթեդ»։ «Բավարիայի» կազմը համալրել են Նուսեր Մազրաուին ու Ռայան Գրավենբերխը։ Ամստերդամյան ակումբն ամռանը կորցրեց իր գլխավոր ռմբարկուին. Սեբաստիան Ալերը գնաց պաշտպանելու Դորտմունդի «Բորուսիայի» գույները: Ակնհայտ է, որ թիմը թուլացել է, և այժմ «Այաքսին» նկատելիորեն ավելի դժվար է լինելու։ Չենք մոռանում նաև մարզչական շտաբի փոփոխության մասին. Էրիկ տեն Հագի փոխարեն «Այաքսի» մարզիչ է նշանակվել Ալֆրեդ Շրոյդերը։ Նոր մասնագետի ղեկավարությամբ Էրեդիվիզիայի գործող չեմպիոնն անցկացրել է 6 ընկերական հանդիպում, որոնք բավականին արդյունավետ են ստացվել։ Բոլոր խաղերում «Այաքսը» խփել է առնվազն 2 գնդակ, հաղթել է 5-ում և միայն «Պադերբորնին» է պարտվել 2։5 հաշվով։
ՊՍՎ-ի ղեկավարությունը շատ ակտիվ է ամառային տրանսֆերային այս պատուհանի ժամանակ։ Այժմ Էյնդհովենի կազմում ելույթ կունենան Գուս Տիլը, Լյուկ դե Յոնգն ու Խավի Սիմոնսը։ Իհարկե, այս նորեկները կարող են բարելավել թիմի խաղը, իսկ նրանց կղեկավարի ոչ վաղ անցյալում անվանի հարձակվող Ռուդ վան Նիստելռոյը։ Նորանշանակ մարզիչը Շրյոդերի պես 6 հանդիպում է անցկացրել, հաղթել է 4-ում։
Հետաքրքիր է, որ «Այաքսի» և ՊՍՎ-ի միջև կայացած վերջին 7 հանդիպումներից 6-ում խփվել է առնվազն 3 գոլ, իսկ ՊՍՎ-ն առհասարակ բոլոր մրցաշարերում իր վերջին 9 խաղերից 8-ում խփել է առաջին գոլը։ Կարծում եմ, որ հիմա ՊՍՎ-ն ավելի նախընտրելի վիճակում է։ Եթե նայեք երկու ակումբների տրանսֆերներին, ապա «Այաքսի» ներուժը նկատելիորեն ցածր է նախորդ մրցաշրջանի համեմատ։ Ենթադրում եմ, որ այս անգամ էլ ՊՍՎ-ն կխփի առաջին գոլը, ընդ որում՝ առաջին կեսում։
Շնորհակալ ենք Ձեր օգնության համար:
Այս հեղինակի նոր հրապարակումների մասին ծանուցումները կգան «ԲՌ»-ում գրանցվելիս ձեր կողմից նշված էլ.հասցեին:
Այս փորձագետի նոր կանխատեսումների մասին ծանուցումներ կստանաք մեր կողմից՝ էլ.հասցեի միջոցով:
Դա նշանակում է, որ դուք այլեւս այս հեղինակի նյութերի վերաբերյալ ծանուցումներ չեք ստանա:
Դա նշանակում է, որ այլեւս նրա վերաբերյալ ծանուցումներ չեք ստանա էլ.հասցեի միջոցով: